Քաղաքակրթական ներուժը կեցության բարձրագույն արժեք է:

Պլանավորում են թողարկումից առաջ քննարկել ներկայացումների բարոյագիտական մակարդակը

Նովոսիբիրսկում պլանավորում են մշակել այնպիսի մեխանիզմներ, որոնցով հնարավոր լինի որոշել թատերկան ներկայացումների բարոյագիտական մակարդակը: Նման մտահանգման համար հիմք է հանդիսացել տեղի օպերայի և բալետի պետական թատրոնում վագներյան «Թանհեյզեր» օպերայի աղմկահարույց բեմադրությունը: Այդ մասին հաղորդում է «taglur.am»-ը՝ հղում անելով «Interfax»-ին:

Ըստ տարածաշրջանի նահանգապետ Վլադիմիր Գորոդեցկու, «Թանհեյզերի» դեպքի կրկնությունից խուսափելու լավագույն ձևերից մեկը կարող է լինել նոր թատերական ներկայացումների հանրային քննարկումների կազմակերպումը: «Գուցե նոր ներկայացման առաջին թողարկումից առաջ (կարևոր չի օպերայի, բալետի կամ մեր այլ որևէ թատրոնի) հրավիրենք հասարակությանը. «Եկեք արտահայտեք ձեր կարծիքը»: Կարծում եմ, պետք է ներգրավել մարդկանց նորմալ երկխոսության»,- ասել է նահանգապետը:

Հիշեցնենք, որ 2014 թ.-ի դեկտեմբերին հանդիսատեսին ներկայացված վագներյան հայտնի օպերայի բեմադրության ռեժիսորական մեկնաբանություններում հանդիսատեսներից շատերը դիտարկել են քրիստոնեա հավատացյալների կրոնական զգացումները վիրավորող մեկնաբանություններ: «Թանհեյզեր» օպերայի շուրջ ծագած աղմուկը հասել է մինչև վարչական դատական վարույթի: Կայացված դատավճռի համաձայն այդ բեմադրության մեջ ոչ մի քրեական կամ այլ դատապարտելի արարք չի արձանագրվել: Թատրոնի տնօրենը և օպերայի բեմադրության ռեժիսոր Տիմոֆեյ Կուլյաբինը արդարացվել են:

Սակայն, սա ներկայացման շուրջ ծագած մեծ աղմուկին վերջ չի դրել: Մեզդրիչն ազատվել է տնօրենի պաշտոնից և ՌԴ մշակույթի նախարարի հրամանով թատրոնի ղեկավար է նշանակվել Վլադիմիր Կեխմանը, ով արդեն խաղացանկից հանել է աղմկահարույց ներկայացումը:
    Դիտվել է 355 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ