Քաղաքակրթական ներուժը կեցության բարձրագույն արժեք է:

Հրավիրյալ արտասահմանցի աստղերից պահանջում են հանձնել անալիզներ

Ռուսաստանի Մոծ թատրոնի գլխավոր տնօրեն Վլադիմիր Ուրինը կարծում է, որ Ռուսաստանում արտասասահմանցի ստեղծագործողների աշխատանքի ընդունվելու համակարգը պետք է շատ պարզեցվի: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Այդ հայտարարությունը նա բարձրաձայնել է այն առթիվ, որ ՌԴ մշակույթի նախարարությունը առաջարկում է այդ երկրում աշխատող արտասահմանցի թատերական գործիչներին օրենսդրությամբ տալ մասնագետի կարգավիճակ:

Նշենք, որ ավելի վաղ այս գերատեսչությունը առաջարկում էր արտասահմանցի թատերական գործիչներին տալ բարձր որակավորում ունեցող մասնագետների կարգավիճակ, որը պետք է դյուրինացներ այդ երկրում նրանց աշխատանքի հրավիրելու գործընթացը: Այդ կապակցությամբ դեռ ապրիլի 17-ին, քննարկումների և առաջարկություններ ստանալու նպատակով, հրապարակվեց «ՌԴ-ում արտասահմանցի քաղաքացիների իրավական կարգավիճակի մասին» օրենքում համապատասխան փոփոխությունների նախագիծը:

Այս նախաձեռնության նպատակն այն է, որ հնարավորինս ավելի շատ արտասահմանցի մշակութային գործիչների ուշադրություն հրավիրվի Ռուսաստանի վրա:

«Արտասահմանցի ստեղծագործող մասնագետների ուշադրությունը գրավելու ներկայում գործող համակարգը շատ բարդ է»,- նշել է Ուրինը: Նա պատմել է, որ, օրինակ, այսօր «հրավիրյալ արտիստները պետք է անցնեն բժշկական քննություն, հանձնեն անալիզներ և միայն դրանից հետո ստանան աշխատանքի թույլտվություն»: «Պատկերացնու՞մ եք, որ որևէ աստղ մեր մոտ 2-3 ներկայացման մեջ խաղալու համար պետք է նախ և առաջ գա Մոսկվա, որպեսզի անալիզներ հանձնի»,- ներկայացրել է զավեշտալի վիճակը Ուրինը և նշել, որ Մեծ թատրոնը պատրաստ է հրավիրել բարձր որակավորման արտասահմանցի մասնագետների, սակայն այսօրվա օրենսդրական համակարգի պայմաններում, եթե այն պահպանվի տառի ճշտությամբ, ամեն ինչ պարզապես կդառնա անհնար:

Ուրինը հաստատել է, որ, իրոք, օրենսդրությունը փոփոխելու հարցը հասունացած է և այնտեղ պետք է հաշվի առնվեն ստեղծագործական հաստատությունների յուրահատկությունները:

«Արևմուտքում, այս կամ այն ստեղծագործական ոլորտի մասնագետին հրավիրելիս ձևակերպում են աշխատանքային մուտքի թույլտվություն և գործատուն արտասահմանցի մասնագետի աշխատանքի համար այդ երկրում վճարում է համապատասխան հարկեր»,- ասել է Ուրինը և նշել, որ նման համակարգ կարելի էր ներդնել նաև Ռուսաստանում:
    Դիտվել է 247 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278>>հաջորդ