Քաղաքակրթական ներուժը կեցության բարձրագույն արժեք է:

«Դոկտոր Ժիվագո»-ն Բրոդվեյում ձախողվել է

Ռուս հեղինակ Բորիս Պաստեռնակի «Դոկտոր Ժիվագո» հայտնի վեպի հիման վրա Բրոդվեյում բամադրված մյուզիքլը մայիսի 10-ին կփակվի: Ամերիկյան «Variety» պարբերականի տեղեկատվությունը փոխանցում է «taglur.am»-ը՝ հղում անելով «runyweb.com»-ին:

Ապրիլի 21-ից, արդեն երկու շաբաթ ցուցադրվող ներկայացումը չի արդարացրել թատրոնի ֆինանսական սպասումները: Այն հավաքել է ընդամենը 500 հազար դոլար, որը պրոդյուսերների ակնկալածի կեսից էլ քիչ է: Ընդ որում Բրոդվեյի 53-րդ փողոցում գտնվող «Broadway Theatre» թատրոնի հանդիսասրահը միայն 75-80 տոկոսով է միշտ լցված եղել:

Ամերիկյան պարբերականը նշում է, որ նախացուցադրումից հետո, որը կայացել է մարտի 27-ին, ներկայացումը հիմնականում բացասական է գնահատվել քննադատների կողմից: Փորձագետները նշել են, որ ներկայացման վրա 12 մլն դոլարի հասնող ներդրում կատարողները և պրոդյուսերները, հավանաբար, կունենան ֆինանսական կորուստներ:

«Թոնի» թատերական մրցանակի կրկնակի դափնեկիր Դես Մքանուֆի իրականացրած այս մյուզիքլում միմյանց են միացվել մի քանի երաժշտական ժանրեր՝ լիրիկական բալլադներ, ռոմանսներ, քայլերգեր, ռուսական ժողովրդական մեղեդիներ: Մյուզիքլի հեղինակն է կրկնակի «Գրեմմի»-ի մրցանակակիր Լյուսի Սայմոնը:
    Դիտվել է 340 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ