Քաղաքակրթական ներուժը կեցության բարձրագույն արժեք է:

Կաննի փառատոնը նշել է կինեմատոգրաֆիայի 120 ամյակը

Նախօրեին՝ մայիսի 17-ին Կաննի փառատոնում նշել են կինեմատոգրաֆիայի 120-ամյակը:

Կաննի փառատոնի գլխավոր բեմահարթակը համարվող «Լյումեր» թատրոնում կայացավ Լյումեր եղբայրների կողմից 1895-1905 թվականներին նկարահանված և ժամանակակից տեխնոլոգիաներով վերականգնված ֆիլմերի ցուցադրություն: Այդ աշխատանքներից շատերը ցուցադրվում էին առաջին անգամ: Այդ մասին «tvkultura.ru»-ի տեղեկատվությունը փոխանցում է «taglur.am»-ը: Կինեմատոգրաֆիայի ծննդյան պաշտոնական տարին համարվում է1895 թ.-ն: Այդ թվականի դեկտեմբերին «Գրանդ կաֆե» սրահում կայացավ առաջին հանրային վճարովի կինոցուցադրությունը: Կաննի այս տարվա փառատոնի համար ֆրանսիական Սինեմատիկան վերականգնել և ցուցադրության էր նախապատրաստել Լյումեր եղբայրների նկարահանածներից տասնյակ տեսարաններ: Այդ հավաքածոյի մեջ էին մտել «Բանվորները դուրս են գալիս Լյումեր եղբայրների ֆաբրիկայից», «Նորամանուկի նախաճաշը», «Կարմիր ձկների որս», տեսարանները, «Ջրված ջրվորը», սկետչը, ինչպես նաև Լյումեր եղբայրնեի կողմից նկարահանված և մինչ այժմ անհայտ սյուժեներ: Առաջին անգամ ցուցադրվել են եղբայրների կողմից ճանապարհորդությունների ընթացքում կատարված նկարահանումների:

Կինեմատոգրաֆիայի 120-ամյակին նվիրված հանդիսավոր արարողությանը և վերականգնված ժապավենների ցուցադրությանը հրավիրվել էին համաշխարհային ճանաչում ունեցող ժամանակակից ռեժիսոր եղբայրներ Պաոլո և Վիտորիո Տավիանիները, Ջոել և Իթան Քոելները, Ժան-Պիեռ և Լյուք Դարդենները:

Կաննի 68-րդ միջազգային կինոփառատոնը, որ ընթանում է այս օրերին, իր հիմնական մրցութային ծրագրում ընդգրկել է 19 ֆիլմ և ճիշտ այդքան ֆիլմեր էլ ընդգրկված են այդ միջոցառման երկրորդ ծրագրում, որը ունի «Հատուկ հայացք» անվանումը:

Հիշեցնենք, որ փառատոնի արդյունքների հիման վրա շնորհվում է «Ոսկե արմավենու ճյուղ» (գլխավոր մրցանակ), ժյուրիի Մեծ մրցանակ, ինչպես նաև մրցանակներ նախատեսված դերասանների, ռեժիսորների և սցենարիստների համար: Բացի այդ «Ոսկե արմավենու ճյուղ» է նախատեսված կարճամետրաժ ֆիլմերի մրցույթի համար և «Ոսկե խցիկ» հաջողված դեբյուտի համար:
    Դիտվել է 292 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ