Քաղաքակրթական ներուժը կեցության բարձրագույն արժեք է:

Արգելված պիեսը բեմադրելու համար դրամահավաք է սկսվել

Մոսկվայի «Տեատր. Դոկ» թատրոնն իր նոր բեմում կիրականացնի Պսկովի դրամատիկական թատրոնում արգելված «Բաղնիքի սպասավորը» («Բանշչիկ») պիեսի բեմադրությունը: Այդ մասին հայտարարել է թատրոնի տնօրեն Ելենա Գրեմինան, տեղեկացնում է ««taglur.am»-ը»՝ հղում անելով « Interfax»-ին:

Գրեմինան նշել է, որ «Տեատր. Դոկ» -ը որոշել է օժանդակել ռեժիսոր Վարվառա Ֆաերին, ով հանդիսանում է իրենց թատերախմբի ադամ և նրան օժանդակել Պսկովում արգելված բեմադրությունը «հայրենի պատերի ներսում » ներկայացնելու համար: Մոսկովյան թատրոնի տնօրենը նաև ասել է, որ այդ ներկայացման մեջ հանդես կգան նաև պսկովցի դերասաններ:

«Անհրաժեշտ է այս նախագծում մասնակից դարձնել նաև իրենց մասնագիտությանը հավատարիմ մնացած, գործի և բեմադրության համար նյութեր հավաքելու հարցում ջանքեր ներդրած պսկովցի դերասաններին: Անհրաժեշտ է պատրաստել դեկորացիաներ, հագուստներ և ռեկվիզիտ, երաժշտություն գրել, հարթակներ վարձել: Այս նախագծի նպատակն է ճեղքել և հասնել սեփական հանդիսատեսին»,- ասել է Գրեմինան:

Նշենք, որ ավելի վաղ «Տեատր. Դոկ» թատրոնի ռեժիսոր Վարվառա Ֆաերը հրավիրվել էր Պսկով՝ տեղի ակադեմիական թատրոնում բեմադրելու «Բաղնիքի սպասավորը» վավերագրական պիեսը: Սակայն, մի խումբ դերասաններ գրավոր դիմել էին ՌԴ մշակույթի նախարարին՝ խնդրելով ուշադրություն դարձնել նախապատրաստվող ներկայացման վրա, որտեղ հանդիսատեսները կլսեն ոչ նորմատիվային հայհոյախոսություն և կտեսնեն բաղնիքում ոգելից խմիչք օգտագործած և մերկացած կանանց:

Հաջորդ օրը ՌԴ մշակույթի նախարար Վլադիմիր Մեդինսկին ժամանել է Պսկով և տեղի համապատասխան պաշտոնյաների հետ միասին եղել թատրոնում: Այս այցից հետո թատրոնում ստեղծվել է գեղարվեստական խորհուրդ, իսկ ներկայացման պրեմիերան հետաձգվել է: Ավելի ուշ տեղի մշակույթի ոլորտի ղեկավարները հայտարարել են, որ ներկայացումը հանվել է խաղացանկից: «Բաղնիքի սպասավորը» ներկայացումը կառուցված է «verbatim» անգլիական տեխնիկայի կանոններով, որի հիմքում ընկած են վավերագրական հարցազրույցներ, որոնք անցկացրել են հենց իրենք՝ դերասանները՝ քաղաքի փողոցներում: Պիեսի բոլոր կերպարները իրական են:

Պիեսն այնպես է կառուցված, որ բաղնիքի սպասավորը լսում է այստեղ շոգեհարվելու եկած տարբեր մարդկանց խոսակցությունները: Նա մտորում ու խորհում է այդ ամենի մասին, իսկ խոսակցությունների բեկորները նրան տանում են սեփական կյանքի մասին հիշողությունների գիրկը: Պիեսի մոսկովյան տարբերակը բեմականացնելու համար այս պահին «planeta.ru» կայքում իրականացվում է դրամահավաք:
    Դիտվել է 378 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ