Քաղաքակրթական ներուժը կեցության բարձրագույն արժեք է:

Հանդիսատեսի հետ հաղորդակցության երկու տեսակ ենթադրող մինի փառատոն

Մոսկվայի գեղարվեստական թատրոնում (МХТ-ում ) կկայանա «Ժամանակակից դերասանը ժամանակակից թատրոնում» մինի փառատոնը, որը ենթադրում է հանդիսատեսի հետ հաղորդակցության երկու տեսակ. ներկայացումների էսքիզներ՝ դրանց հաջորդող քննարկումներով և դասախոսություններ՝ նվիրված ժամանակակից մշակույթի միտումների, բեմում գոյատևելու մասին նոր ռուսական ռեժիսուրայի կողմից դերասաններին առաջարկվող այլընտրանքային միջոցների մասին: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Էսքիզները կպատրաստեն Դմիտրի Վոլկոստրելովը՝ ըստ Միշել Ուէլբեքի «Մնալ ողջ» տեքաստի (ցուցադրությունը կկայանա մայիսի 27, 28-ին՝ МХТ-ում) և Սաշա Դենիսովան՝ ըստ իր հեղինակած «Հոբը» պիեսի (ցուցադրությունը կկայանա հունիսի 1-ին, МХТ-ի շենքի 6-րդ հարկի փորձասենյակում):

Կինոգետ Զառա Աբդուլաևան կներկայացնի իր դասախոսությունը, որը վերնագրված է «Խաղալ ապուշ, թե լինել ապուշ»: Նա կխոսի նաև այն մասին, թե արդյո՞ք նոր կինոն ազդել է ժամանակակից թատրոնի դերասանական տեխնիկայի վրա: Դա առասպել է, թե՞ առասպել չի (կկայանա մայիսի 29-ին, МХТ-ի շենքի 6-րդ հարկի փորձասենյակում): Այնուհետև մշակութաբան Իրինա Կուլիկը հանդես կգա «Փերֆորմենսի կարճ պատմությամբ» ((կկայանա հունիսի 9-ին, МХТ-ի շենքի 6-րդ հարկի փորձասենյակում): «Տեատր» հանդեսի գլխավոր խմբագիր Մարինա Դավիդովան իր դասախոսությունը նվիրել է պրոֆեսիոնալ դերասաններին բեմում շրջանցելու կամ առանց մարդկանց «յոլա գնալու»ռեժիսորների փորձերին: Ո՞ րն է ժամանակակից թատրոնում դերասանի «դերը» և արդյո՞ք այն կմնա առաջատարը: Այդ մասին է հունիսի 14-ին կայանալիք դասախոսությունը, որը նույնպես կկայանա МХТ-ի շենքի 6-րդ հարկի փորձասենյակում:

Դասախոսությունները կեզրափակի Պավել Ռուդնևը: Նա իր խոսքը նվիրել է «Վավերագրական թատրոնի էթիկային և թատերական ասկետիզմին»: Կարողացե՞լ է արդյոք ժամանակակից թատրոնը մշակել իր ներսում նյութի, հանդիսատեսի, ինքն իր հետ գործելու բարոյագիտական սկզբունքներ: Ի՞նչ կերպ է թատրոնի մասին հետմոդեռնիստական լայնակի պատկերացման ծիրում գոյատևում թատերական ասկետիզմի, ինքնավերահսկողության և ինքնասահմանափակման շարժումը: Այդ մասին դասախոսությունը կկայանա հունիսի 22-ին:

Թատերական փառատոնի առաջին կեսի գլխավոր իրադարձությունը կդառնա Կոնստանտին Բոգոմոլովի վարպետաց դասը, որը կրում է «Ժամանակակից դերասանը ժամանակակից բեմում» վերնագիրը:

Թատրոնը որպես վերհուշ:

Ոչ բնակեցում և ոչ խորասուզում: Խոնհարում արարչին:

Մահվան ապածիսականացում և թատրոնի ապածիսականացում:

Մշակույթում կատարվող գործընթացների և դերասանառեժիսորական տեխնոլոգիայի փոխկապակցվածություն:

Հրաժարում «դերի կառուցում զարգացում, մոտիվացում, իրադարձություն, խնդիր» հին կատեգորիաներից:

Տեքստով աշխատելու միջոց:

Ներկայացումը որպես խոռոչային կառուցվածք:

Առանց իմաստների թատրոն:

«Զրոյական դիրք» և դահլիճի ուշադրությունը պահելու սկզբունքները:

Դատարկությունը և լռությունը թատրոնում:

Հանդիսատեսը որպես ներկայացման ստեղծող:

Դահլիճի անմիասնականությունն ընդդեմ դահլիճի միավորման: Տեսարանների երկու տիպ: Կուլեշովի էֆեկտը թատրոնում:

«Տոտալ խաղի» սկզբունքը և «ներդերասանական մոնտաժ»:

Դերասանի խաղը և ենթատեքստը: Դերասանը և դահլիճը. Հրաժարում իշխանությունից:

Մասնագիտության ձեռքբերում՝ մասնագիտությունից հրաժարում:

Այս ամենը Կոնստանտին Բոգոմոլովը կմեկնաբանի հունիսի 1-ին՝ МХТ-ի-ի արվեստանոցներում: Ավելացնենք, որ այս ուսումնակրթական փառատոնին մասնակցել ցանկացողները պետք է գրանցվեն zritel@mxat.ru. Էլ. հասցեով:
    Դիտվել է 852 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484>>հաջորդ
    Արխիվ ըստ ամիսների