Քաղաքակրթական ներուժը կեցության բարձրագույն արժեք է:

Գերմանացի մասնագետը մտավախություն ունի, որ Պալմիրան կավերվի և կթալանվի

«Իսլամական պետություն» ահաբեկչական զինյալ խմբավորումների կողմից Սիրիայի տարածքում գտնվող հնագույն Պալմիրա քաղաքի զավթումից հետո, ըստ փորձագետների, պետք է սպասելր հուշարձանի զանգվածային ոչնչացման և թալանի: Այդ մասին տեղեկացնում է «taglur.am»-ը՝ հղում անելով «dw.de»-ին:

Ողջ աշխարհը սոսկումով է սպասում Պալմիրայի հնագիտական հուշարձանների ոչնչացմանը, այսօր՝ մայիսի 22-ին, հայտարարել է Բեռլինի Առաջավոր Ասիայի թանգարանի տնօրեն Մարքուս Հիլգերթը գերմանական «Deutschlandfunk» ռադիոկայանին տված հարցազրույցում: Նրա խոսքերով հիմնավորված են նաև այն մտավախությունները, որ անտիկ մշակույթի հուշարձանի օբյեկտները կթալանվեն՝ այնտեղի արժեքներն անօրինական վաճառելու նպատակով, իսկ գոյացած միջոցները կտրվեն այդ ահաբեկչական կազմակերպության ֆինանսավորմանը:

Հնագույն Պալմիրա քաղաքի ավերակները ընդգրկված են UNESCO-ի համաշխարհային մշակութային ժառանգության ցուցակներում: Հնագույն ժամանակներում խոշոր առևտրական քաղաքի համբավ ունեցող Պալմիրան հանդիսանում է անտիկ դարերից մեր օրեր հասած Մերձավոր Արևելքի կարևորագույն շինարարական համալիր: Այն հսկայական գիտական նշանակություն ունի, համարվում է հնագույն պատմության և մշակույթի եզակի երևույթ, ընդգծել է Մարքուս Հիլգերթը: Այստեղ, տարբեր մշակույթների, մասնավորապես՝ Հին Հռոմի և Միջագետքի, ազդեցության ներքո ձևավորվել է մշակույթի եզակի օազիս:

Հիշեցնենք. Իրաքի հյուսիսում «Իսլամական պետություն» ահաբեկչական խմբավորումների զինյալները վաղ գարնանը արդեն ոչնչացրել են Նեմրուդ քաղաքում գտնվող հազարամյա հնության հուշարձաններ:
    Դիտվել է 289 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ