Քաղաքակրթական ներուժը կեցության բարձրագույն արժեք է:

Մեկ հիմնադրամի նախագահը մրցանակ է հանձնել մեկ այլ հիմնադրամի նախագահի

Նշանավոր ջութակահար և դիրիժոր, ԽՍՀՄ ժողովրդական արտիստ Վլադիմիր Սպիվակովը Մոսկվայի Ազգությունների թատրոնի գեղարվեստական ղեկավար, ՌԴ ժողովրդական արտիստ Եվգենի Միրոնովին է հանձնել «Գթասրտություն» մրցանակ, որի հանձնման արարողությունը կայացել է Մոսկվայում, «ՏԱՍՍ» տեղեկատվական գործակալության շենքում, Վ. Սպիվակովի բարեգործական հիմնադրամի կողմից կազմակերպվող «Մոսկվան դիմավորում է բարեկամներին» 12-րդ միջազգային փառատոնի նախօրեին: Այդ տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

«Եվգենի Միրոնովի հետ մեզ կապում է ոչ միայն անձնական բարեկամությունը, այլև մեր հիմնադրամների համատեղ գործունեության դաշտը: Մենք մասնակցում ենք նրա «Արտիստ» հիմնադրամի շատ ակցիաների, որոնք ուղղված են մեծահասակ արտիստներին օգնություն ցուցաբերելուն»,- ասել է Սպիվակովը:

«Մանկության ժամանակ մեզ սովորեցրել են բարություն անել այնպես, որ այդ մասին իմանան հնարավորինս քիչ մարդիկ: Տարիների հետ ես հասկացա, որ դա այնքան էլ ճիշտ չի: Հիմնախնդիրներն ավելի շատ են, որպեսզի դրանք կարողանաս հաղթահարել միայնակ: Մեր օրերում Ռուսաստանում մեծ անունները զբաղվում են բարեգործությամբ»,- նշել է Միրոնովը:

Նրա խոսքեով, այս իրադարձությունը իրեն շատ է հուզել: Երկու հիմնադրամները շատ համատեղ համերգներ են ունեցել և այդ համագործակցությունը շարունակվում է: «Կարևորն այն է, որ մարդիկ հավատում են մեզ: Սպիվակովի հետ յուրաքանչյուր հանդիպման ժամանակ ունկնդիրները ակնկալում են հրաշք, և այն տեղի է ունենում»,- ասել է Միրոնովը:

«Գթասրտություն» մրցանակը բրոնզից ու մարմարից պատրաստված քանդակ է, որի հեղինակն ամերիկացի քանդակագործ Մայքլ Ֆրիդն է: Այն երկիր մոլորակի ֆոնի վրա պատկերում է ջութակի աղեղ:
    Դիտվել է 486 անգամ
    1234567891011121314151617181920212223242526272829303132333435363738394041424344454647484950515253545556575859606162636465