Քաղաքակրթական ներուժը կեցության բարձրագույն արժեք է:

Ներկայացումներ միայն մեկ հանդիսատեսի համար

Նյու-Յորքում կցուցադրեն թատրոն մեկ հանդիսատեի համար: Յուրաքանչյուր ներկայացում, որը կցուցադրի մեկ դերասան, կտևի մի քանի րոպե: Այդ մասին «The Guardian»-ի տեղեկատվությունը փոխանցում է «taglur.am»-ը՝ հղում անելով «runyweb.com»-ին:

Այս նախագծի հեղինակը բեմանկարիչ Քրիսթին Ջոնսն է:

Թատրոնը հերթականությամբ կգործի Նյու-Յորքի Մանհեթեն թաղամասի 3 շրջաններում: Անվճար բեմադրությունների ցուցադրությունները սկսվել են մայիսին և կշարունակվեն նաև հունիսի սկզբներին: Թե հատկապես փոքր ներկայացումներից ո՞ր մեկը կդիտի յուրաքանչյուր հանդիսատես, հայտնի չի, քանի որ ամեն ինչ որոշվում է պատահականության հիման վրա: Հաճախորդը նախ զբաղեցնում է իր տեղը և, միայն, դրանից հետո է իմանում, թե ի՞նչ է ինքը դիտելու:

Այս յուրահատուկ մոնոներկայացումների պիեսները գրել են Քրեյգ Լուկասը («The Secret Lives of Dentists» ֆիլմի սցենարիստ), Ուիլ Էնոն («Sunstroke» ֆիլմի սցենարիստ), Լինն Նոթեյջեմը (դրամատուրգ, Պուլիտցերովյան մրցանակի դափնեկիր) և այլ հեղինակներ: Նրանց խնդրել են, որ բոլորն իրենց ներկայացումները սկսեն «Ես այնքան էլ անծանոթ չեմ, ինչպիսին թվում եմ» արտահայտությամբ: Արդյունքում՝ ներկայացումների թեմանները ընդգրկում են սևամորթներին հետապնդող սերիական մարդասպանից մինչև մոր մահվան մասին պատմություններ:

Նախագծին մասնակցել են դերասաններ Էրին Գաննը («Law & Order»), Քեյթ Ռենդոլֆ Սմիթը («The Warrior Class»), Էնդրյու Գարմանը  («Julie & Julia») և ուրիշներ:
    Դիտվել է 342 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ