Քաղաքակրթական ներուժը կեցության բարձրագույն արժեք է:

Լիոնարդո Դի Կապրիոն կվերամարմնավորի Վուդրո Վիլսոնի կերպարը

09.30.2013

«Warner Bros» ստուդիան ձեռք է բերել Է. Սքոթ Բերգի «Վիլսոն» ստեղծագործության նկարահանման իրավունքը:

Գրքում ներկայացվում է ԱՄՆ-ի 28-րդ դեմոկրատ նախագահ, պատմաբան, իրավաբան և նոբելյան մրցանակակիր Վուդրո Վիլսոնի կյանքը:

Պրոդյուսերները ցանկանում են նախագահի դերում տեսնել Լիոնարդո Դի Կապրիոյին: Բացի այդ, այս նախագիծը տեղավորվել է Դի Կապրիոյին պատկանող «Leo Appian Way» արտադրական ընկերությունում:

Այսպիսով, հոլիվուդյան դերասանը ծրագրավորում է հանդես գալ որպես կինոնկարի պրոդյուսեր և խաղալ գլխավոր դերը:

Սքոթ Բերգը գրքի վրա աշխատել է 13 տարի: Ընթերցողները նկատել են, որ հեղինակը մարդկայնացրել է մեծ, բայց պատմաբանների կողմից հազվադեպ հիշվող նախագահի կերպարը:

Վիլսոնը պետության ղեկավար է դարձել 1912թ.-ին: Նա ԱՄՆ-ի նախագահ է ընտրվել նաև երկրորդ ժամկետին: Վիլսոնը պատմության մեջ հիշատակվում է որպես Առաջին համաշխարհային պատերազմի մեջ մտած երկրի նախագահ և «Ազգերի լիգայի» նախաձեռնողներից մեկը:

Հիշեցնենք, որ Վիլսոնն այն ամերիկյան նախագահն է, որին վերապահվեց Առաջին աշխարհամարտից հետո գծել Անկախ Հայաստանի նոր քարտեզը, որը նախատեսում էր հայոց պետականության հաստատում նրա պատմական հողերի 160 հազար քառակուսի կմ մակերեսի վրա և երկրին հնարավորություն էր տալիս դուրս գալ Սև ծով:

Ամերիկյան նախագահներից մեկի մասին վերջերս մեկ ֆիլմ էլ նկարահանել է Սթիվեն Սփիլբերգը: Խոսքը նրա արդեն մեծ ճանաչում ստացած «Լինկոլն» ֆիլմի մասին է: Աբրահամ Լինկոլնի կերպարը սպիտակ էկրանին ներկայացնելուց հետո, այն ստեղծագործող խմբին բերեց շուրջ 275 մլն դոլարի եկամուտ:
    Դիտվել է 706 անգամ
    1234567891011121314151617181920212223242526272829303132333435363738394041424344454647484950515253545556575859606162636465666768697071727374757677787980818283