Քաղաքակրթական ներուժը կեցության բարձրագույն արժեք է:

Եվ այն նման է կախարդական ոսկե փոշու...

Նախօրեին Մոսկվայում ընթացող Չեխովի անվան 12-րդ միջազգային թատերական փառատոնի փոխանցափայտիկը վստահվեց Ջեյմս Թիերեի (Չարլի Չապլինի թոռան) նշանավոր թատրոնին: Այդ մասին հաղորդում է «taglur.am»-ը՝ հղում անելով «kultura.mos.ru»-ին:

Էքսցենտրիկ միմիզմի անգերազանցելի վարպետը այնպիսի ներկայացումներ է մատուցում հանդիսատեսին, որ հաճախ, ուղղակի, անհնար է լինում որոշել, թե ինչ ժանրի ստեղծագործություն է նա պատրաստել: Նրա ներկայացումները առավել շատ հիշեցնում են սյուրռեալիստական շոու, որոնք դիտողին են պարգևում ոչ մի բանի հետ համեմատության եզր չունեցող հաճույք:

Մոսկվայի Մոսսովետի անվան թատրոնի բեմում Թիերեի ղեկավարությամբ գործող թատերախումբը միմյանց հաջորդող 5 օրերի ընթացքում կներկայացնի «Կարմիր ծխախոտ» բեմադրությունը, որն իրենից ներկայացնում է «փոքրիկ դիտողական գլուխգործոց» այն մասին, թե ինչ է զգում արարիչը, երբ փորձում է ստեղծել նոր աշխարհ:

Հերոսին սեփական երազանքները հետապնդում են, ինչպես ժամանակը (իսկ գուցե՝ ինչպես ծխախո՞տը), որ սորում է մատների արանքով՝ որպեսզի իրենից հետո ոչինչ չթողնի...

Ներկայացումն անհավանական գեղեցկություն ունի: Նրանում շարժվում են պատերը, հերոսը զրուցում է իր ֆրակի հետ, հայելին ամեն պահ դուրս է պրծնում տեղից՝ բեմի վրա փշուր լինելու սպառնալիքով: Իսկ այդ միջոցին ծխախոտը, միևնույնն է, թափվում ու թափվում է բեմի վրա... և այն նման է կախարդական ոսկե փոշու...
    Դիտվել է 386 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ