Գործողությունները կատարվում են ջրի տակ՝ խորխորատներում06.17.2015
Մոսկվայում ընթացող Չեխովի անվան 12-րդ միջազգային փառատոնի շրջանակներում այսօր՝ հունիսի 17-ին հանդես է գալու թայվանական «Cloud Gate» պարային թատրոնը: Կներկայացվի «Բրինձ» ներկայացումը: Այդ մասին տեղեկացնում է «taglur.am»-ը՝ հղում անելով «РИА новости»-ին:
Ներկայացման կոնցեպցիայի և խորեոգրաֆիայի հեղինակը Լին Հվայ Մինն է, ով իր ներկայացման մեջ օգտագործել է ժողովրդական երգեր և եվրոպացի կոմպոզիտորներ Բելինիի, Սեն-Սանսի, Շտրաուսի և Մալերի ստեղծագործությունները:
Արևմտյան քննադատները նշում են, որ «ներկայացման պատկերավոր լեզուն գրավում է, իսկ պարողների ցնցվող մարմինները այն միտքն են առաջ բերում, թե ինչպես վերականգնել մահացող հողը»: «Լինը այնքան դանդաղ և մանրակրկիտ է կառուցում պարի լեզուն, որ ծնվում է այնպիսի զգացում, որ գործողությունները կատարվում են մեկ այլ տիեզերքում: Ընդ որում նրա արտիստները ցուցադրում են գրեթե գերմարդկային վերահսկողություն իրենց մարմինների նկատմամբ»,- ժամանակին «Cloud Gate»-ի կատարողական վարպետության մասին գրել է «Times»-ը:
Ասիա մայրցամաքում հռչակ վայելող նշանավոր խորեոգրաֆներից մեկը՝ Լին Հվայ Մինը, իր թատրոնը, որի անունը թարգմանաբար նշանակում է «Ամպերի դարպասներ», հիմնադրել է 1973 թ.-ին: Թատրոնի յուրահատկությունն այն է, որ բեմադրություններում կիրառվում են եվրոպական բալետի, պեկինյան օպերայի, ժամանակակից պարերի և չինական մարտարվեստի հնարքները: Այն հենվում է չինական պոեզիայի գեղագիտության և գեղագրական արվեստի վրա: «Cloud Gate» պարի թատրոնը միջազգային ասպարեզում առաջին հաջողություններն արձանագրել է 1990-ական թվականներին, երբ ելույթներով հանդես է եկել Եվրոպայում ու Ամերիկայում:
Թատերախմբի վիշինգթոնյան հյուրախաղերի ժամանակ գործողությունները կատարվել են ջրի մեջ: Ընդհանուր պատկերն այսպիսին է եղել. բեմը լցված է եղել ջրով, հանդիսասրահում մթություն է, իսկ պատերի վրա՝ անկյունային հայելիներ են ամրացված:
Ներկայացման ընթացքում հանդիսատեսը խորասուզվում է պարի և թայվանյան մշակույթի մեղեդային ու առաձգական աշխարհի մեջ: «Cloud Gate»-ը անկյունային հայելիները օգտագործում է իր թաց ելույթը բեմից անդրադարձնելու համար: Դա ստեղծում է պատրանք, որ գործողությունները կատարվում են ջրի տակ՝ խորխորատներում:
Մոսկվայում ընթացող Չեխովի անվան 12-րդ միջազգային փառատոնի շրջանակներում այսօր՝ հունիսի 17-ին հանդես է գալու թայվանական «Cloud Gate» պարային թատրոնը: Կներկայացվի «Բրինձ» ներկայացումը: Այդ մասին տեղեկացնում է «taglur.am»-ը՝ հղում անելով «РИА новости»-ին:
Ներկայացման կոնցեպցիայի և խորեոգրաֆիայի հեղինակը Լին Հվայ Մինն է, ով իր ներկայացման մեջ օգտագործել է ժողովրդական երգեր և եվրոպացի կոմպոզիտորներ Բելինիի, Սեն-Սանսի, Շտրաուսի և Մալերի ստեղծագործությունները:
Արևմտյան քննադատները նշում են, որ «ներկայացման պատկերավոր լեզուն գրավում է, իսկ պարողների ցնցվող մարմինները այն միտքն են առաջ բերում, թե ինչպես վերականգնել մահացող հողը»: «Լինը այնքան դանդաղ և մանրակրկիտ է կառուցում պարի լեզուն, որ ծնվում է այնպիսի զգացում, որ գործողությունները կատարվում են մեկ այլ տիեզերքում: Ընդ որում նրա արտիստները ցուցադրում են գրեթե գերմարդկային վերահսկողություն իրենց մարմինների նկատմամբ»,- ժամանակին «Cloud Gate»-ի կատարողական վարպետության մասին գրել է «Times»-ը:
Ասիա մայրցամաքում հռչակ վայելող նշանավոր խորեոգրաֆներից մեկը՝ Լին Հվայ Մինը, իր թատրոնը, որի անունը թարգմանաբար նշանակում է «Ամպերի դարպասներ», հիմնադրել է 1973 թ.-ին: Թատրոնի յուրահատկությունն այն է, որ բեմադրություններում կիրառվում են եվրոպական բալետի, պեկինյան օպերայի, ժամանակակից պարերի և չինական մարտարվեստի հնարքները: Այն հենվում է չինական պոեզիայի գեղագիտության և գեղագրական արվեստի վրա: «Cloud Gate» պարի թատրոնը միջազգային ասպարեզում առաջին հաջողություններն արձանագրել է 1990-ական թվականներին, երբ ելույթներով հանդես է եկել Եվրոպայում ու Ամերիկայում:
Թատերախմբի վիշինգթոնյան հյուրախաղերի ժամանակ գործողությունները կատարվել են ջրի մեջ: Ընդհանուր պատկերն այսպիսին է եղել. բեմը լցված է եղել ջրով, հանդիսասրահում մթություն է, իսկ պատերի վրա՝ անկյունային հայելիներ են ամրացված:
Ներկայացման ընթացքում հանդիսատեսը խորասուզվում է պարի և թայվանյան մշակույթի մեղեդային ու առաձգական աշխարհի մեջ: «Cloud Gate»-ը անկյունային հայելիները օգտագործում է իր թաց ելույթը բեմից անդրադարձնելու համար: Դա ստեղծում է պատրանք, որ գործողությունները կատարվում են ջրի տակ՝ խորխորատներում:
 28.11.jpg)
.jpg)
