Քաղաքակրթական ներուժը կեցության բարձրագույն արժեք է:

Բիզնես ոլորտը նոր բեմի շինարարությանը տրամադրել է շուրջ մեկ միլիարդ ռուբլի

09.14.2015

Այսօր իր հոբելյանական 95-րդ թատերաշրջանը Մոսկվայի Վախթանգովի անվան թատրոնը կբացի նորակառույց բեմում: Հենց այս նոր հարթակում էլ կկայանա թատերախմբի հավաքը: Այդ մասին հաղորդում է «taglur.am»-ը՝ հղում անելով «ՏԱՍՍ»-ին:

«95 տարվա մեջ առաջին անգամ փոխվել է ավանդական կանոնը և «ամառային ընդմիջումից» հետո թատերախմբի հավաքը կանցկացնենք ոչ թե մեր պատմական տան սրահում, այլ նրան կից կառուցված շենքում, որտեղ էլ գտնվում է նոր բեմը: Ցույց կտանք, թե ինչ է ձեռք բերել թատրոնը ներդրումային պայմանագրի իրականացման շնորհիվ, թեև դրա համար պահանջվեց երկար ու ձիգ 13 տարի»,- նշել է վախթանգովյան թատրոնի տնօրեն Կիրիլ Կրոկը:

Նշենք, որ նոր բեմի շինարարության պայմանագիրը համապատասխան պետական գերատեսչությունների հետ համաձայնության հասնելուց հետո թատրոնը կնքել է դեռևս 2003 թ.-ին, երբ թատրոնի գեղարվեստական ղեկավարը Միխայիլ Ուլյանովն էր:

Երկար ու ձիգ տարիների ընթացքում բազմաթիվ խոչընդոտներ հաղթահարելուց հետո, այնուամենայնիվ, հաջողվեց կառուցել սպասված նոր բեմը, որի մակերեսը վարչական և օժանդակ կառույցների հետ միասին կազմում է 6 հազար 250 քառակուսի մետր: Այսպիսով, Մոսկվայի Վախթանգովի անվան թատրոնի ընդհանուր մակերեսը ավելացվեց շուրջ 60 տոկոսով և այժմ կազմում է 17,5 հազար քառակուսի մետր:

Թատրոնի տնօրենը նշել է, որ նոր բեմը կառուցվել է առանց պետական բյուջեի որևէ մասնակցության: Իսկ ներդրողներն, ընդհանուր առմամբ այդ նախագծի իրականացման համար տրամադրել են մոտ մեկ միլիարդ ռուբլի: Կրոկը, սակայն, նշել է, որ թատրոնին տրամադրված այդ գումարի դիմաց ներդրողները Մոսկվայի կենտրոնում, Արբատում ստացել են ընդարձակ մի մակերես, որտեղ նրանք կարող են իրենց համար շահեկան գործեր իրականացնել՝ կառուցել բնակելի շինություն և առևտրի ու գործարարության գոտի: «Կարծում եմ վերջին 10 տարիների ընթացքում սա բիզնեսի ու թատրոնի լավագույն համագործակցության օրինակներից է»,- նշել է Կրոկը:
    Դիտվել է 367 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ