Քաղաքակրթական ներուժը կեցության բարձրագույն արժեք է:

Վենեսուելայի կինեմատոգրաֆիայի առաջին «Ոսկե առյուծը»

09.16.2015

Անցած շաբաթ օրը՝ սեպտեմբերի 12-ին ավարտված Վենետիկի նշանավոր կինոփառատոնում հաղթել և «Ոսկե առյուծ» գլխավոր մրցանակին է արժանացել Վենեսուելացի ռեժիսոր Լորենցո Վիգասի «Հեռվից» ֆիլմը: Այդ մասին տեղեկացնում է «taglur.am»-ը՝ հղում անելով «europravda.com.ua»-ին:

Սա Վենեսուելայի կինեմատոգրաֆիայի պատմության մեջ առաջին «Ոսկե առյուծ»-ն է: Ֆիլմը համասեռամոլ երիտասարդ ու արդեն ծեր տղամարդկանց հարաբերությունների մասին է:

«Արծաթե առյուծ»-ը բաժին է հասել արգենտինացի ռեժիսոր Պաբլո Տրապերոյի ««Տոհմ» կինոնկարին, որն անդրադառնում է մարդկանց պատանդ վերցնող հանցագործ ընտանիքի պատմությանը:

Նշենք, որ Վենիտիկի թվով 72-րդ միջազգային փառատոնը մեկնարկել էր սեպտեմբերի 2-ին: Փառատոնի ծրագրի շրջանակներում ցուցադրվել է 600 ֆիլմ:
    Դիտվել է 436 անգամ