Քաղաքակրթական ներուժը կեցության բարձրագույն արժեք է:

Լավագույն ամերիկյան սերիալ է ճանաչվել «Գահերի խաղը»

09.22.2015


ԱՄՆ-ում անցած հեռուստասեզոնի լավագույն սերիալ է ճանաչվել «Գահերի խաղը» հայտնի կինոպատումը: Այդ մասին հաղորդում է «taglur.am»-ը՝ հղում անելով «interfax.ru»-ին:

Այդ մասին հայտնի է դարձել օրերս Լոս-Անջելոսում կայացած «Էմմի» մրցանակաբաշխության ժամանակ: Հիշեցնենք, որ այդ մրցանակը տրվում է հեռուստատեսային այն գեղարվեստական ստեղծագործություններին և ծրագրերին, որոնք հեռարձակվում են«Primetime» ժամին: Այս տարվա «Էմմի» մրցանակաբաշխությունը պատմության մեջ թվով 67-րդն էր:

«Գահերի խաղը» սերիալը ներկայացվել էր այդ մրցանակաբաշխության 24 անվանակարգերում: Ջորջ Մարտինի «Կրակի և սառույցի երգը» վիպական պատումների մոտիվներով նկարահանված ֆիլմին բաժին հասան «Լավագույն ռեժիսուրայի«, «Լավագույն սցենարի», «Երկրորդ պլանի լավագույն դերասան» մրցանակները: Վերջինս շնորհվեց Փիթեր Դիքլեյջին՝ Թիրիոն Լաննիստերի դերակատարման համար:

«Էմմի»-ն ամերիկյան հեռուստատեսային մրցանակ է, որը համարվում է հեռուստատեսային «Օսկար»: Այն անցկացվում է ամեն տարի և իր մեջ է ընդգրկում հեռուստաարդյունաբերության մի քանի ոլորտ: Կան «սպորտային», «տեխնիկական», «նորությունների և վավերագրության» և այլ մրցանակներ: Առավել հեղինակավոր են համարվում «Առավել դիտվող ժամերի» (Primetime) և «Ցերեկային» մրցանակները: Ասենք, որ սկսած հիմնադրումից՝ 1949թ.-ից մինչև 1974թ.-ն կար միան մեկ պարզ «Էմմի» մրցանակ: Այնուհետև այն բաժանվեց «Primetime» և «Ցերեկային» մրցանակների:

    Դիտվել է 363 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ