Քաղաքակրթական ներուժը կեցության բարձրագույն արժեք է:

Անհատականությունը, ով մոռանում է իր առաքելության մասին, դատապարտված է աղետի

09.29.2015


Այսօր ՌուսԱստանի Մեծ թատրոնի նոր բեմում նշանավոր բեմադրիչ Բորիս Էյֆմանը ներկայացնում է իր նոր «Up & Down» բալետը՝ ըստ ամերիկյան դասական գրող Ֆրենսիս Սքոթ Ֆիցջերալդի «Գիշերը քնքույշ է» վեպի: Այդ մասին «ՏԱՍՍ»-ի տեղեկատվությունը փոխանցում է «taglur.am»-ը:

Ներկայացման մեջ հիմնականում զբաղված են Սանկտ-Պետերբուրգի բալետի ակադեմիական թատրոնի արտիստները:
Ըստ բեմադրիչի «Up & Down» բալետը «ողբերգական և, միաժամանակ, կուրացուցիչ վառ քրոնիկոն է հոգեպես մահացող մարդու մասին: Պատմություն է այն մասին, թե ինչպես է երջանկության հավերժական երազանքը վերածվում կործանման, իսկ արտաքուստ գեղեցիկ և ջազային երաժշտության ռիթմի հանգույն ընթացող անմեղ կյանքը՝ մղձավանջի»:

Բալետի հմայիչ և տաղանդավոր գլխավոր հերոսը, ով օժտված է հոգեբանի տաղանդով, ոչ թե իր գիտական կարիերան զարգացնելու ճանապարհն է ընտրում, այլ գնում է դեպի հարստություն և շքեղ կյանքի գրավչությունները: Նա փորձում է գիտնականի իր ներքին մղումները հավասարակշռել արտաքին իրողությունների հետ, սակայն զիջումը զիջման ետևից նրան կանգնեցնում է սեփական եսը կորցնելու իրողության առջև: Խարխլվում են նաև նրա հմայքը, գիտակցությունը, կարիերան: Նա կորցնում է ամեն ինչ և վերածվում է թափթփուկի, ում համար տեղ չկա հասարակության մեջ:

Անհատականությունը, ով մոռանում է իր առաքելության մասին, ոչնչացնում է իր տաղանդը և դատապարտված է աղետի, իսկ փոխզիջումը գայթակղություններին, ուղղակի հանգեցնում է կործանման: «Up & Down» բալետը հենց այն մասին է, թե ինչ աղետալի ճակատագիր է կյանքը նախատեսում այն մարդու համար, ով դվաճանում է ինքն իրեն:

Բալետի բեմադրության ընթացքում հնչում են Ջորջ Գեշվինի, Ֆրանց Շուբերտի, և Ալբանա Բերգի ստեղծագործությունները:
«Up & Down» բալետի համաշխարհային պրեմիերան կայացել է Պետերբուրգում այս տարվա հունվարին: Դրանից հետո ներկայացումը ցուցադրվել է Փարիզում, Բրատիսլավայում, Ռիգայում, Նյու-Յորքում և Կոստա Մեսիում:
    Դիտվել է 353 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ