Քաղաքակրթական ներուժը կեցության բարձրագույն արժեք է:

Բացվել է ցուցահանդես, որը նշանավոր պարուհին մտահղացել էր իր մահից առաջ

10.02.2015


Սեպտեմբերի 30-ին Սանկտ-Պետերբուրգի Շերեմետովյան պալատում (թատերական և երաժշտական արվեստի թանգարանի մասնաճյուղում) բացվել է վաղուց սպասված «Աստվածային Մայան» ցուցահանդեսը: Այդ մասին տեղեկացնում է «taglur.am»-ը՝ հղում անելով «Վեչերնի Պետերբուրգ» պարբերականին:

2015թ.- մայիսի 3-ին կյանքից հեռացած աշխարհահռչակ պարուհուն նվիրված ցուցահանդեսը բացել է վերջին 60 տարիների նրա կյանքի անբաժան ընկերն ու ամուսինը՝ կոմպոզիտոր Ռոդիոն Շչեդրինը:

Ցուցադրանքում տեղ են գտել ինչպես այն հագուստները, որոնք պատրաստել է նշանավոր ֆրանսիացի կուտուրիե Պիեռ Կարդենը՝ ում համար Մայա Պլիսեցկայան եղել է ներշնչանքի աղբյուր, այնպես էլ արտիստուհու ստեղծագործությամբ ներշնչված պետերբուրգցի ժամանակակից մոդելյորների գործերը: Շչեդրինը նշել է, որ ներկայացված աշխատանքները հնարավորություն են տալիս տեսնել նաև ապագան:

Իսկ ցուցասրահի տնօրեն Նատալյա Մետելիցան նշել է, որ այս ցուցահանդեսի գաղափարը արժանացել էր նաև մեծ պարուհու հավանությանը և իրենք որոշել էին այդ ուղղությամբ նախապատրաստական քայլեր ձեռնարկել և այն նվիրել արտիստուհու 90-ամյակին: Ըստ տնօրենի մտահղացումը նաև այս թանգարանի երիտասարդ այն աշխատակիցներին է պատկանում, ովքեր նրան չէին տեսել բեմի վրա: Նրանք որոշել են Պետերբուրգում ստեղծագործող մոդելյորներին առաջարկել հորինել այնպիսի հագուստներ, որոնք համապատասխանեն Մայա Պլիսեցկայայի ստեղծագործությունների մոտիվներին:
    Դիտվել է 348 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ