Քաղաքակրթական ներուժը կեցության բարձրագույն արժեք է:

Պրահայի ազգային թատրոնը սկսել է զբաղվել մեղվաբուծությամբ

10.07.2015


Չեխիայի մայրաքաղաքի Ազգային թատրոնը միացել է քաղաքային մեղվաբուծության ֆենոմենին և մի քանի մեղվափեթակ է տեղադրել թատրոնի դեկորացիաների պահեստում: Այդ մասին «magazin.ceskenoviny.cz»-ի տղեկատվությունը փոխանցում է «taglur.am»-ը՝ հղում անելով «newsru.com»-ին:

Առաջիկայում մեղվափեթակները կտեղափոխվեն թատրոնի պատմական շենք, որն առայժմ փակ է վերակառուցման աշխատանքների պատճառով: Բայց եկող տարի թատրոնի մեղվաբույծները խոստանում են հանդիսատեսներին ներկայացնել իրենց «ազգային մեղրը»:

Մեղվափեթակները տանիքներին սովորական բան են շատ հաստատությունների, հյուրանոցների և թատրոնների համար, ասել է Ազգային թատրոնի մամլո քարտուղար Թոմաս Ստանեկը: Մեղվափեթակները դեկորացիաների պահեստում են մնալու միայն առաջիկա ձմռանը, դրանից հետո բոլոր մեղվաընտանիքները կտեղադրվեն գետի ափին գտնվող թատրոնի տանիքին:

Մեղվաբույծները, ում թատրոնը դիմել էր խորհրդատվության համար, նշում են, որ թատրոնը գտնվում է բուսաբանական այգուց ոչ շատ հեռու: Այնտեղ կան բազմաթիվ ծաղիկներ, որոնց մեջ մեղուները կգտնեն իրենց անհրաժեշտ նեկտարը: Ըստ մասնագետների, ավելի շուտ մեղվափեթակները պետք է տեղադրվեն ոչ թե թատրոնի շատ բարձր և քամոտ տանիքին, այլ դեպի հրապարակ նայող պատշգամբներից մեկում:

Չեխիայում այսօր կա 50 հազար մեղվապահ: Պրահայում մեղվաբուծությամբ զբաղվում է մի քանի հարյուր մարդ: Մի մեղվաբուծական օջախ էլ գործում է Պրահայի ամրոցում, որտեղ արտադրված մեղրը մատուցվում է երկրի նախագահին
    Դիտվել է 370 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ