Քաղաքակրթական ներուժը կեցության բարձրագույն արժեք է:

Թատերական քննադատների կարծիքով ներկայացումը շշմեցուցիչ տպավորություն է թողնում

10.09.2015


Մոսկվայում ընթացող «Տերիտորիա» թատերական միջազգային փառատոնում ռեժիսոր Տիմոֆեյ Կուլյաբինը կցուցադրի Նովոսիբիրսկի «Կրասնի ֆակել» թատրոնում բեմադրված չեխովյան «Երեք քույրերը»: Նշենք, որ Կուլյաբինի անունը չափազանց լայն տարածում ստացավ այն բանից հետո, երբ մեծ աղմուկ առաջացավ Նովոսիբիրսկի օպերայի և բալետի թատրոնում նրա ներկայացրած վագներյան «Թանհեյզեր» օպերայի շուրջ:

Հայտնի է, որ չեխովյան ներկայացման վրա Կուլյաբինն աշխատում է, արդեն, ավելի քան 1,5 տարի: Այս ներկայացումն առանձնահատուկ է այն բանով, որ հերոսները միմյանց հետ հաղորդակցվում են ժեստերով, իսկ գործողությունները տեղափոխվել են մեր օրեր: Ժեստերի լեզուն չիմացող հանդիսատեսների համար տեքստը մատուցվում է սուբտիտրերով:

Ներկայացումը, ինչպես Չեխովի մոտ, բաղկացած է 4 գործողությունից, ունի 3 ընդիմիջում և շարունակվում է մոտ 4 ժամ:

Ըստ թատերական քննադատների ներկայացումը շշմեցուցիչ տպավորություն է թողնում:

«Երեք քույրերը» Կուլյաբինի իրականացրած առաջին բեմադրությունն է «Կրասնի ֆակել» թատրոնի գլխավոր ռեժիսորի պաշտոնում: Այստեղ նա մինչ այդ բեմադրել է նաև ռուս և համաշխարհային դասականների մի շարք աշխատանքներ, որոնցից պուշկինյան «Օնեգին»-ը անցյալ տարի արժանացել է ռուսական ազգային թատերական մրցույթի՝ «Ոսկե դիմակ»-ի ժյուրիի մրցանակին:

«Տերիտորիա» թատերական միջազգային փառատոնը Մոսկվայում մեկնարկել է հոկտեմբերի 2-ին և կավարտվի վաղը՝ հոկտեմբերի 10-ին: Այն այս տարի նշում է իր 10-ամյակը:
    Դիտվել է 344 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ