Քաղաքակրթական ներուժը կեցության բարձրագույն արժեք է:

Նոր թատերական սեզոնի ամենից հագեցված զգացմունքային օրերը

10.10.2015


Սանկտ-Պետերբուրգի Փոքր դրամատիկական թատրոն-Եվրոպայի թատրոնի գեղարվեստական ղեկավար Լև Դոդինը Մոսկվայում այսօր մեկնարկած «Ստանիսլավսկու սեզոն» թատերական փառատոնում ցուցադրում է իր լեգենդար «Եղբայրներ և քույրեր» ներկայացման նոր տարբերակը՝ վերնագրում կատարելով «2015-ի խմբագրություն» հավելումը: Այդ մասին հաղորդում է «taglur.am»-ը՝ հղում անելով «rg.ru»-ին:

4 ժամ տևողությամբ, երկմասանոց ներկայացումն, ըստ էության, հանդիսատեսին մատուցվելու է գրեթե ողջ օրվա ընթացքում: Նշենք, որ Պետերբուրգում այն ցուցադրվում է երկու երեկոյի ընթացքում:

Դոդինյան հայտնի բեմադրության նոր տարբերակում հիմնականում ներգրավված են պետերբուրգյան թատերախմբի երիտասարդ արտիստները: Փաստորեն սա յուրահատուկ մրցույթ է արդեն պատմություն դարձած և նոր բեմադրական շունչ ստացած ներկայացումների միջև: Նշենք, որ նախկին բեմադրության դեկորացիաները վերականգնվել են և համոզիչ բեմական միջավայր են ձևավորում նաև նոր ներկայացման համար:

Որոշ մասնագիտական շրջանակներում «Ստանիսլավսկու սեզոն» փառատոնը գնահատվում է, որպես Մոսկվայում մեկնարկած նոր թատերական սեզոնի ամենից հագեցված զգացմունքային օրերը: Նման որակման համար հիմք է ծառայել, թե Լև Դոդինի նոր ներկայացումը և թե փառատոնի շրջանակներում զուգահեռ ցուցադրվող պուշկինյան «Բորիս Գոդունովը», որի բեմադրությունը իրականացրել է Լիտվայի փոքր դրամատիկական թատրոնի գեղարվեստական ղեկավար և լեգենդար ռեժիսոր Էյմունտաս Նյակրոշյուսը:
    Դիտվել է 352 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308>>հաջորդ