Քաղաքակրթական ներուժը կեցության բարձրագույն արժեք է:

Աճել է թատրոնում, բայց չի «հասկանում թե ինչու՞ են ոմանք այդքան քնքշորեն վերաբերում նրան»

10.13.2015


«Ազնիվ խոսք, չեմ հասկանում, թե ինչու են ոմանք այդքան քնքշորեն վերաբերում նրան (թատրոնին-խմբ.): Մեր ինչի՞ն է պետք 400-ամյա հնության այս ամբողջ թատրոնը: Ու՞մ է այն հարկավոր: Փռեք այն ասֆալտին: Տեսեք, տեսեք, աղետ է»,- այսպես է արտահայտվել հոլլիվուդյան կինոյի հանրահռչակ աստղ Էնթոնի Հոփքինսը թատրոնի մասին՝ համոզված լինելով, որ թատրոնը ծերացել է: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Թեև թատրոնի կենսունակության մասին այսպիսի անբարենպաստ կարծիք է հայտնել, բայց ինքը՝ Հոփքինսը, կինո է մուտք գործել հենց թատրոնից:

Նա ծնվել և դաստիարակվել է ոչ այնքան ապահով բրիտանացի բանվորի ընտանիքում: Սովորել է Ուելսի երաժշտության և դրամայի արքայական քոլեջում, երկու տարի ծառայել է բանակում, ապա անցել աշխատանքի Մանչեստրի թատրոններից մեկում:

«Երբ ես խաղում էի Մանչեստերում, ռեժիսորն ինձ ազատեց աշխատանքից, որովհետև ես, քիչ էր մնում, ջարդեի մի դերասանի ողնաշարը: Նա ասաց, որ շատ վտանգավոր է իմ նմանին բեմ բարձրանալու թույլտվություն տալը: Բայց արդյունքում բախտս բերեց, որովհետև նա խորհուրդ տվեց գնալ այն մոդայիկ թատերական դպրոցներից մեկը, որոնց ինքն անձամբ չէր հավանում»: Այդ մասին Հոփքինսը շատ տարիներ անց պատմել է «Esquire» հանդեսին:

Այնուամենայնիվ նա հետևել է այդ խորհրդին և տեղ ու թոշակ ստացել դրամատիկական արվեստների Արքայական ակադեմիայում սովորելու համար, որտեղ էլ դարձել է լուրջ դերասան:

Սըր Ֆիլիպ Էնթոնի Հոփքինսը առաջին խոշոր դերերը խաղացել է «Swansea՝s Palace Theatre»-ում, որը այսօր գտնվում է շատ աղետալի վիճակում (այն ուղղակի սկսել է աստիճանաբար փլվել) և 1888 թին կառուցված շենքը փրկելու կողմնակիցները հարցի դրական լուծման փաստարկներում նշում են նաև այն իրողությունը, որ այստեղ է իր առաջին դերերը խաղացել Հոլլիվուդի փառապանծ արտիստներից մեկը:

1965թ-ից Հոփքինսն աշխատանքի է անցնում Մեծ Բրիտանիայի գլխավոր թատրոններից մեկում՝ Արքայական ազգային թատրոնում, որն այդ ժամանակ ղեկավարում էր նշանավոր Լոուրենս Օլիվյեն: Այստեղ Հոփքինսն աշխատեց 7 տարի, որի ընթացքում հասցրեց խաղալ ավելի քան 10 բեմադրություններում, որոնցից 5-ը՝ Շեքսպիրի պիեսներում:

Ասենք, որ հոլլիվուդյան կինոաշխարհի ապագա աստղը միայն այդ թատրոնում չի որ աշխատել է: Մինչև կինոխցիկի առջև կանգնելը նա հանդես է եկել էլի մի շարք բրիտանական բեմերում:
    Դիտվել է 355 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308>>հաջորդ