Քաղաքակրթական ներուժը կեցության բարձրագույն արժեք է:

Փակ քաղաքում կցուցադրվի 7 ժամ տևողությամբ թատերական մարաթոն-ներկայացում

11.09.2015


Ռուսաստանի Չելյաբինսկի մարզի փակ քաղաք Օզերսկում նոյեմբերի 20-ին կկայանա «Գիշերը թատրոնում» փորձարարական թատրոնների 6-րդ փառատոնը: Այդ մասին տեղեկացնում է «taglur.am»-ը՝ հղում անելով «teatr-ozersk.ru»-ին:

Ռուսաստանի Ուրալի ողջ ընդարձակ տարածաշրջանում «Գիշերը թատրոնում»-ը աննախադեպ երևույթ է: Արտաքին աշխարհի հետ շատ յուրահատուկ կապերով կապված փոքր Օզերսկ քաղաքում կրկին կհավաքվեն պրոֆեսիոնալ թատրոններ, որոնք գիշերային 6 ժամերի ընթացքում «Մեր տունը» դրամայի և կատակերգության թատրոնի շենքում կցուցադրեն աներևակայելի թատերական հրավառություն:

Հանդիսատեսին կներկայացվեն ամենատարբեր թատերական ձևաչափերի ու փորձարարական մտքի աշխատանքներ:

Ներկայացումները ցուցադրվելու են ամենահավանական և անհավանական հարթակներում, որոնք գոյություն ունեն կամ ստեղծվել են այս փառատոնի առիթով: Մի գիշերվա ընթացքում «Մեր տունը» թատրոնի փոքր դահլիճում, հանդերձարանում, արհեստանոցներում, նույնիսկ աստիճանների ու անցումերի վրա դերասանական խմբերը կցուցադրեն ներկայացումներ, որոնք միմյանց հետ կապված են փառատոնի ընդհանուր սյուժետային հարահոսով:

Անշուշտ թատերական իրադարձության էպիկենտրոնը կհանդիսանա մեծ դահլիճը, որտեղ ամբողջ գիշերային խաղի ընթացքում երեքական անգամ կհայտնվեն փառատոնի բոլոր մասնակիցները, որպեսզի կրկին բաժանվեն-հեռանան միմյանցից դեպի իրենց համար առանձնացված հարթակներ:

Այս տարի այս յուրահատուկ փառատոնին մասնակցում են Չելյաբինսկի և Սվերդլովսկի մարզերի 5 քաղաքների 19 թատերական կոլեկտիվներ: Ծրագիրը նախատեսում է 7 ժամ տևողությամբ թատերական մարաթոն-ներկայացում, որի ընթացքում յուրաքանչյուր հանդիսատես ըստ իր ճաշակի կորոշի թե ինչ ժանրի, բովանդակության ու ձևաչափի ներկայացում կդիտի:
    Դիտվել է 413 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ