Քաղաքակրթական ներուժը կեցության բարձրագույն արժեք է:

Խորթ հորից երկրորդ երեխան ունեցած աղջկա դրաման կրկին բարձացվում է բեմ

11.11.2015


Նյու-Յորքում, Բրոդվեյի «Բերնարդ Բ. Ջեքոբս» թատրոնում այսօրվանից կսկսվի «Մանուշակագույնը» («Color Purple») ներկայացման նախնական ցուցադրությունները: Այդ մասին հաղորդում է «taglur.am»-ը՝ հղում անելով «newyorktheatreguide.com»-ին:

Ներկայացումը իրականացվել է Պուլիտցերյան մրցանակի դափնեկիր Ալիս Ուոլքերի հայտնի նույնանուն վեպի հիման վրա՝ «Թոնի» մրցանակակիր, ռեժիսոր Ջոն Դոյլիի բեմադրությամբ: Պաշտոնական պրեմիերան կկայանա 2015թ-ի դեկտեմբերի 10-ին:
Ալիս Ուոլքերի «Մանուշակագույնը» ստեղծագործությունը դրամա է 14 տարեկան մի աղջկա՝ Սելի Ջոնսոնի մասին, ով այս տարիքում խորթ հորից (ում համարում է իր հարազատ հայրը) ծննդաբերում է իր երկրորդ երեխային: Տղամարդը Սելիի մոտից վերցնում է երեխային և տանում անհայտ ուղղությամբ՝ հրամայելով աղջկան, որ նորածնի մասին որևէ մեկին չպատմի:

Որոշ ժամանակ անց նրանց տուն է գալիս մի ֆերմեր և խորթ հորից խնդրում Սելիի քրոջ՝ Նեթիի ձեռքը: Սակայն հայրը հրաժարվում է Նեթիին ամուսնացնել նրա հետ և փոխարենը առաջարկում է Սելիի ձեռքը: Իսկ հետո Նեթին հեռանում է տնից ու մեկնում Աֆրիկա՝ խոստանալով, որ ամեն օր քրոջը նամակ կգրի: Սակայն Սելին քրոջից նամակներ չի ստանում, որովհետև ամուսինը բոլորը թաքցնում է նրանից...

1985 թ.-ին այս ստեղծագործության հիման վրա հոլլիվուդյան հայտնի ռեժիսոր Սթիվեն Սփիլբերգը նկարահանեց գեղարվեստական ֆիլմ, որը ներկայացվեց «Օսկար» մրցանակի՝ 11 անվանակարգերում: Թեև ֆիլմը ոչ մի անվանակարգում չստացավ ամերիկյան կինոակադեմիայի պատվավոր պարգևը, բայց և այնպես ավելի խորացրեց Ալիս Ուոլքերի ստեղծագործության նկատմամբ հետաքրքրությունը:
    Դիտվել է 316 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ