Քաղաքակրթական ներուժը կեցության բարձրագույն արժեք է:

Բրիտանական թանգարանը մատչելի է յուրաքանչյուր ցանկացողին

11.12.2015

Աշխարհահռչակ Բրիտանական թանգարանի ավելի քան 4,5 հազար ցուցանմուշ այսուհետ հնարավոր կլինի դիտել համացանցում: Դա հնարավոր է դարձել իրականացնել Google ընկերության «Street View» տեխնոկոգիայի միջոցով: Այդ մասին թանգարանի տնօրեն Նիլ Մաքգրեգորի այսօր տարածած տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

Google-ի մշակութային ակադեմիայի համացանցային տարածքի վիրտուալ ցուցահանդեսների նախագծի շրջանակներում ստեղծվել են թանգարանի և նրա մշտական ցուցադրանքների կրկնօրինակներ: Այսպիսով, Բրիտանական թանգարանը դարձավ իր տեսակի մեջ աշխարհի խոշորագույն թանգարանը, որը կիրառում է «Street View» տեխնոկոգիան:

«Աշխարհն այսօր փոխվել է: Տեղեկատվության մատչելիության միջոցները նույնպես ապրել են զարգացում՝ շնորհիվ թվային տեխնոլոգիաների: Այս նորամուծությունը հնարավորություն է տալիս թանգարանին հետագայում նույնպես համապատասխանել ժամանակակից իրողության լուսավորության իդեալներին»,- ասել է Մաքգրեգորը:

Ցուցանմուշները լուսանկարելու գործընթացում Google-ն օգտագործել է լայն թույլտվության հատուկ տեխնոլոգիա: «Դա անհավանական է, սակայն հիմա յուրաքանչյուր ցանկացող, որտեղ էլ որ նա լինի, կարող է զգալ թանգարանի հավաքածոյի հարստությունը և ուսումնասիրել մարդկության մշակույթի ժառանգությունը»,-ասել է Google-ի մշակույթի ակադեմիայի տնօրեն Ամիթ Սուդը:

Բրիտանական թանգարանը հանդիսանում է Միացյալ թագավորության ամենաշատ այցելուներն ընդունող և աշխարհում հայտնի մշակութային հաստատությունը: 2014 թ.-ին այն ունեցել է 6,7 մլն այցելու:
    Դիտվել է 375 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428>>հաջորդ