Քաղաքակրթական ներուժը կեցության բարձրագույն արժեք է:

Շարլ Ազնավուրը դարձել է Բելգիայի թագի շքանշանի ասպետ

11.17.2015

Ֆրանսահայ երգիչ Շարլ Ազնավուրը դարձել է Բելգիայի թագի շքանշանի ասպետ: Այդ մասին տեղեկացնում է «taglur.am»-ը՝ հղում անելով երգչի ֆեյսբուքյան էջին:

Ֆիլիպ թագավորի կողմից շնորհվող բարձր պարգևին մեծանուն երգիչն արժանացել է Բելգիայի արտաքին գործերի նախարար Դիդիե Ռայնդերսի ներկայացմամբ:

Պարգևատրության արարողությունը կայացել է նոյեմբերի 16-ին՝ Բրյուսելի Էգմոնտ պալատում:

Շարլ Ազնավուրը շնորհակալություն է հայտնել բելգիացի ժողովրդին և նշել, որ նրանք միշտ էլ «եղել են գերազանց ունկնդիրներ, ովքեր երբեք չեն կասկածել...» ինչի երգիչը միշտ հանդիպել է Ֆրանսիայում:

Նախարար Ռայնդերսը բարձր է գնահատել Շարլ Ազնավուրի արտիստական որակները:

Արարողությունը կատարվել է անցած ուրբաթ Փարիզում տեղի ունեցած դաժան ահաբեկչության տպավորությունների հիշողության հանգամանքներում: Արարողության մասնակիցները մեկ րոպե լռությամբ հարգել են այդ ողբերգության զոհերի հիշատակը:
    Դիտվել է 684 անգամ