Քաղաքակրթական ներուժը կեցության բարձրագույն արժեք է:

Գեորգի Կասպարյանի գիթառը Պետերբուրգի Մեծ սիմֆոնիկ նվագախմբի անհրաժեշտ բաղադրիչն է

11.23.2015


Նոյեմբերի 25-ին Սանկտ-Պետերբուրգի կոնսերվատորիայի մեծ դահլիճում «Սիմֆոնիկ կինո» համերգային ծրագրի շրջանակներում կկայանա խորհրդային տարիներին մեծ համբավի հասած, «Կինո» ռոք խմբի հիմնադիր Վիկտոր Ցոյի մահվան 25 ամյակին նվիրված համերգ: Համերգի հիմնական մասը առաջիկայում կամփոփվի երաժշտին ներկայացնող ձայնապնակում: Այդ մասին տեղեկացնում է «taglur.am»-ը՝ հղում անելով «rg.ru»-ին:

Մեծ սիմֆոնիկ նվագախմբի հետ կոնսերվատորիայի բեմահարթակ դուրս կգա այս նախագծի անփոփոխ և գլխավոր մասնակից Գեորգի Կասպարյանը, ով էլ շատ բանով որոշել է պետերբուրգյան լեգենդար սիմֆոնիկ նվագախմբի հնչերանգները և ում գիթառը նվագախմբային գործիքավորման մասնագետները համարել են «Սիմֆոնիկ կինո» համերգային նախագծի անհրաժեշտ բաղադրիչը:

«Հետաքրքիր զգացողություններ են: Թաղվում ես երաժշտության ծովում, մոռանում ես քեզ: Հիմա ինձ ամեն ինչ դուր է գալիս: Առաջին քայլերը, ասենք այսպես, արվում էին էնտուզիազմով, բայց երաժշտականորեն ոչ այնքան վստահ: Հիմա, արդեն, լավ մակարդակ է»,- ասել է երաժիշտը:

«Սիմֆոնիկ կինո»-ի այսպիսի երգացանկը միանգամից շատերի հավանությանն է արժանացել: Առաջին ելույթից հետո այս ձևաչափով հաջողված բազմաթիվ համերգներ են կայացել Ռուսաստանի և ԱՊՀ շատ քաղաքներում:

Պետերբուրգում սիմֆոնիկ նվագախումբը կղեկավարի հայտնի դիրիժոր Սվյատոսլավ Լյութերը, ում առջև դրված է ռոք խմբի երաժշտական երանգավորումները պահպանելու խնդիրը:

«Սիմֆոնիաներ նվագելու սովոր պրոֆեսիոնալ երաժիշտների համար այս նյութը, հնարավոր է, որ ավելի հեշտ լինի: Սակայն մյուս կողմից, ներքուստ պետք է կապանքներից ազատվել: Սա այն է, ինչ ռոք երաժիշտներն անվանում են «դրայվ»»,- պարզաբանել է դիրիժորը:

Ըստ հեղինակների «Սիմֆոնիկ կինո» նախագիծը հնարավորություն է տալիս նորովի գնահատել Վիկտոր Ցոյի տաղանդը, որը դուրս է գալիս սովորական ռոք-երաժշտության սահմաններից: Բացի այդ, ռուսական բեմում այս նախագիծն այլընտրանք չունի:

Ավելացնենք, որ, մինչ, այս հայրենական ռոք-խմբի երգացանկի հիման վրա կառուցված երկժամյա դասական համերգ դեռ ոչ մի տեղ չի իրականացվել:
    Դիտվել է 285 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ