Քաղաքակրթական ներուժը կեցության բարձրագույն արժեք է:

Ներկայացումը՝ հյուրերից, իսկ նվագախումբը՝ տանտերերից

12.03.2015


«Մեր թատրոնը հնարավորություններ չունի պահել և հյուրախաղերի մեկնել սեփական նվագախումբի հետ միասին: Իսկ կենդանի նվագախմբի հետ յուրաքանչյուր ելույթ հատուկ իրադարձություն է՝ ինչպես մեր, այնպես էլ մեր հանդիսատեսների համար»,- խոստովանել է Իտալիայի Թուրին քաղաքում հյուրերախաղերով հանդես եկող Սանկտ-Պետերբուրգի բալետի թատրոնի գեղարվեստական ղեկավար Բորիս Էյֆմանը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Հայտնի խորեգրաֆի գլխավորած թատերախումբը եվրոպական երաժշտական կյանքի կարևոր կենտրոնը համարվող իտալական քաղաքում հանդես է գալիս առաջին անգամ: Ամանորյա ծրագրում ռուսաստանցի արտիստները թուրինցի հանդիսատեսներին կներկայացնեն տեղական մամուլի բնորոշմամբ «կատարյալ գեղեցկություն» «Աննա Կարենինա» և «Եվգենի Օնեգին» բալետները:

Էյֆմանի ասելով իտալական մյուս քաղաքներն արդեն այս ներկայացումներին իրենց մատուցմամբ ծանոթ են:

Հյուրախաղերը, որոնք մեկնարկում են այսօր, կշարունակվեն մինչև դեկտեմբերի 13-ը և կընթանան Թուրինի փառաբանված «Ռաջիո» թատրոնում: Ռուս արտիստներին ուղեկցող նվագախումբը կղեկավարի մաէստրո Դևիդ Լևին:

Ավելացնենք, որ Լև Տոլստոյի հայտնի վեպի հիման վրա բեմադրված «Աննա Կարենինա» բալետը Պետերբուրգում առաջին անգամ ցուցադրվել է 2005 թ.-ին: Չայկովսկու երաժշտությամբ ստեղծված բեմադրությունը արդեն 10 տարի անփոփոխ հաջողությամբ ներկայացվում է աշխարհի ամենատարբեր բեմերում: Պետերբուրգցի արտիստները հանդես են եկել Ամերիկայի, Մեծ Բրիտանայի, Ֆրանսիայի, Գերմանիայի, Իտալիայի և այլ երկրների բազմաթիվ հանդիսատեսների առջև:

Իսկ «Եվգենի Օնեգին» բալետը, որ բեմադրվել է ըստ Ալեքսանդր Պուշկինի վեպի և Չայկովսկու և Սիտկովեցկու երաժշտության, իր առաջնախաղը ներկայացրել է 2009թ .-ին: Այս բեմադրությունը եղել է Ռուսաստանում մեծ հեղինակություն վայելող «Ոսկե դիմակ» ազգային և «Ոսկե լուսարձակ» թատերական մրցանակների հավակնորդ:
    Դիտվել է 353 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ