Քաղաքակրթական ներուժը կեցության բարձրագույն արժեք է:

«Happy Birthday to you» երգից սեփականատերը տարեկան ստացել է 2 մլն դոլար

12.10.2015

ԱՄՆ–ում մինչ դատական նիստում որոշում է կայացվել հայտնի «Happy Birthday to you» հայտնի տոնական երգի ճակատագիրը տնօրինելու հարցով: Բանն այն է, որ մի խումբ վավերագրողներ փորձ էին անում պայքարել ամերիկյան երաժշտական հսկա «Warner/Chappell» ընկերության դեմ՝ երգի օգտագործման իրավունքների մասով: Այդ մասին տեղեկացնում է «taglur.am»-ը՝ հղում անելով «bbc.com»-ի ռուսական ծառայությանը:

Թեև այդ համաձայնության մանրամասների մասին շատ քիչ բան է հայտնի, սակայն արդեն պարզվել է, որ ընկերությունը հայտնի մեղեդին փոխանցելու է հանրային օգտագործման:

Ստեղծագործության հեղինակային իրավունքը պաշտպանության իմունիտետով է օժտվել 1935 թ-ից: «Warner/Chappell»-ի սեփականատերերը այդ իրավունքը մեկ այլ ընկերությունից ձեռք են բերել 1988թ.-ին: Սակայն ընթացիկ տարվա սեպտեմբերի վերջին ԱՄՆ-ի դաշնային դատարանը որոշում է կայացրել, որ երկար ժամանակ երգի կատարման իրավունքը վաճառող «Warner»-ն ինքն էլ չի հանդիսանում «Happy Birthday to you» երաժշտական ստեղծագործության իրավատերը: Ըստ դատական ատյանի սեփականության իրավունքը վերաբերել է միայն երաժշտությանը, բայց ոչ երգին ամբողջությամբ:

«Warner/Chappell»-ի դեմ հայցը վավերագրողներ Ռուփ Մարյան և Ռոբերթ Սիգալը դատարան են ներկայացրել 2013թ.-ին, երբ աշխատում էին այդ երգի մասին պատմող ֆիլմի վրա: Ընկերությունը նրանցից երգը ֆիլմում օգտագործելու համար պահանջել էր 1500 դոլար:

Վերլուծաբանների կարծիքով, հիմա «Warner/Chappell»-ին կարող են դատապարտել նրանք, ովքեր վերջին տարիներին ընկերությունից ձեռք է բերել երգի օգտագործման իրավունքը :

Կինոյում, հեռուստատեսությունում, գովազդներում և հանրային միջոցառումների ժամանակ հայտնի երգը հնչեցնելու համար ընկերությունը տարեկան ստացել է մոտ 2 մլն դոլար:

«Happy Birthday to you»երգի մեղեդին ստեղծել են Քենթուկի նահանգում բնակվող Միլդրեդ և Փեթթի Հիլլ քույրերը՝ 1893 թ.-ին: Այժմ, բարեգործական այն հիմնադրամը, որը տնօրինում է քույրերի ժառանգությունը, պնդում է, որ Փեթթի Հիլլի իրավահաջորդ հարազատները լիարժեք չեն ստացել հեղինակային իրավունքով իրենց հասանելիք բաժինը:

Տեսանյութեր

Դիտվել է 319 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ