Քաղաքակրթական ներուժը կեցության բարձրագույն արժեք է:

Ռուսաստանի վարչապետը և էլի 1299 մարդ կարդացել են «Պատերազմ և խաղաղություն»-ը

12.11.2015


Ռուսաստանի վարչապետ Դմիտրի Մեդվեդևը միացել է Լև Տոլստոյի «Պատերազմ և խաղաղություն: Կարդում ենք վեպը» մասշտաբային գրական մարաթոնին: ՌԴ կառավարության ղեկավարը հեռուստաեթերում կարդացել է այդ անմահ ստեղծագործության 4-րդ հատորի երկրորդ գլխից մի հատված:

Մեդվեդևը ընտրել է Տոլստոյի վեպի այն հատվածը, որտեղ ներկայացվում է, թե ինչպես է պետերբուրգյան հասարակությունը սպասում Կուտուզովից ստացվող լուրերին, ով պատերազմում էր Նապոլեոնի դեմ:

Գրական էստաֆետը Ռուսաստանի վարչապետն ընդունել էր Սանկտ Պետերբուրգի Ռուսական գրականության ինստիտուտի տնօրեն Վսեվոլոդ Բագնոյից, իսկ հետո այն փոխանցել արվեստաբան Նատալիա Տոլստայային:

Լև Տոլստոյն այս վեպը գրել է 6 տարվա ընթացքում (1863-1869թթ.): Այն անդրադառնում է նապոլեոնյան ժամանակաշրջանի պատերազմի պատմությանը, որն, ընդհանուր առմամբ Ռուսաստանի համար ձգվել է 7 տարի (1805-1812թթ.):

Ռուս մեծ գրող Լև Տոլստոյի «Պատերազմ և խաղաղություն» վեպի հանրային ընթերցանությունը կազմակերպել է Համառուսաստանյան հեռուստա-ռադիոհաղորդումների ընկերությունը:

2015 թ.-ն Ռուսաստանում հայտարարված է գրականության տարի: 4 հատորից կազմված «Պատերազմ և խաղաղություն» վեպի ընթերցանության համար նախատեսվել էր 60 ժամ, որը պետք է սկսվեր դեկտեմբերի 8-ին և ավարտվեր 3 օր հետո՝ դեկտեմբերի 11-ին:

Գրքի ընթերցանության համար հրավիրվել էին 1300 մարդ, որոնցից յուրաքանչյուրը պետք է ներկայացներ ստեղծագործության մի դրվագ՝ մեկ էջի սահմաններում, որը համապատասխանում է հեռարձակման 2-3 րոպեներին:

Այս անընդհատ ընթերցանության մասնակիցների սոցիալական կազմը շատ բազմազան է եղել՝ քաղաքական գործիչներ, սպորտսմեններ, գիտնականներ, արտիստներ, ուսանողներ և այլն: Հատկանշական է, որ ընթերցողների մեջ քիչ չեն եղել այնպիսիք, ովքեր այդ պահին գտնվել են Ռուսաստանի սահմաններից հեռու: «Այդ կերպ մենք ցույց ենք տալիս, որ մեծ գրականությունը միավորում է բոլորին»,- ասել են կազմակերպիչները:
    Դիտվել է 347 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ