Քաղաքակրթական ներուժը կեցության բարձրագույն արժեք է:

Մրցանակը հանձնվել է մրցանակակիր ներկայացման պատճառով թատրոնից հեռացված տնօրենին

12.14.2015

2015թ.-ի ռուսաստանյան թատերական կյանքում մեծ աղմուկ առաջացրած վագներյան «Թանհեյզեր» օպերան, արժանացել է «Զվեզդա տեատրալա» մրցանակին: Ռեժիսոր Տիմոֆեյ Կուլյաբինի բեմադրած ներկայացման օգտին են քվեարկել 91 երկիր ներկայացնող 60 հազար մարդ: Մրցանակը հանձնվել է թատրոնի նախկին տնօրեն Բորիս Մեզդրիչին: Այդ մասին տեղեկացնում է «taglur.am»-ը՝ հղում անելով «kommersant.ru»-ին:

Նշենք, որ մրցանակն ստանալիս Մեզդրիչը նշել է, որ այդ ներկայացումը ընդհանուր առմամբ դիտել է 7 հազար մարդ, իսկ քվեարկության մասնակիցների այդպիսի մեծ քանակությունը ավելի շատ արտացոլում է ներկայացման մասին ձևավորված համբավի իրական մասշտաբը:

Մեզդրիչը Մոսկվայի Վախթանգովի անվան թատրոնում կայացած մրցանակաբաշխության ժամանակ նաև հայտարարել է, որ «Զվեզդա տեատրալա» մրցանակը խորհրդանշող արձանիկը ինքն ի պահ կտա Նովոսիբիրսկի քաղաքային թանգարանին, մինչև իրենց «օպերային թատրոնում կգան այլ ժամանակներ»:

Հիշեցնենք, որ Նովոսիբիրսկի օպերայի և բալետի պետական թատրոնում 2014 թ.-ի վերջերին կայացած պրեմիերայից անմիջապես հետո հոգևորական և քրիստոնեական հավատագյալ շրջանակներում բացասական վերաբերմունք առաջացրած ներկայացումը, որը դարձավ նաև դատական քննարկումների առարկա, ի վերջո հանվեց խաղացանկից, իսկ թատրոնի տնօրենը հեռացվեց իր զբաղեցրած պաշտոնից:

«Զվեզդա տեատրալա» մրցանակը հիմնադրվել է 2008թ.-ին՝ «Տեատրալ» հանդեսի և «Նովիե իզվեստիա» թերթի կողմից: Այն յուրահատուկ է այն բանով, որ մրցանակակիրները որոշվում են ոչ թե թատերական հասարակության ներկայացուցիչների, այլ բացառապես հանդիսատեսների քվեարկությամբ:
    Դիտվել է 316 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ