Քաղաքակրթական ներուժը կեցության բարձրագույն արժեք է:

Դերասանուհին կմարմնավորի Ապուշի դասական կերպարը

12.16.2015

Այսօր անսովոր բեմական տարբերակով կներկայացվի Դոստոևսկու «Ապուշը» վեպի գլխավոր հերոս իշխան Միշկինը Մոսկվայի Ազգությունների պետական թատրոնում: Հայտնի վեպի այս երեկո ցուցադրվելիք ներկայացման մեջ տղամարդու գլխավոր կերպարը վստահվել է կին դերակատարի՝ հայտնի դերասանուհի Ինգիբորա Դապկունայտեին: Այդ մասին հաղորդում է «taglur.am»-ը՝ հղում անելով «ՏԱՍՍ»-ին:

«Այս թատերակշրջանում Ազգությունների թատրոնը շարունակում է աշխատել երիտասարդ ռեժիսորների հետ՝ նրանց նոր ստեղծագործական նախագծերի համար տրամադրելով Փոքր բեմը: Փորձ անողներից մեկը դարձավ Մաքսիմ Դիդենկոն» ասել են թատրոնի մամլո ծառայությունում:

Նշենք, որ երիտասարդ ռեժիսոր Մաքսիմ Դիդենկոն մինչ այս Մոսկվայի գեղարվեստական ակադեմիական թատրոնի (МХАТ) դպրոց ստուդիայում բեմադրել է «Կոնարմիայա» («Հեծյալ բանակ»), իսկ Գոգոլ-կենտրոնում «Խարմս: Միր» ներկայացումները:

Դոստոևսկու վեպի բեմական ձևաչափը թեև ներառում է 20 կերպար, բայց Դիդենկոյի ներկայացման մեջ զբաղված կլինեն միայն 5 դերասան, որոնց թվում նաև Ինգիբորա Դապկունայտեն: Մամլո ծառայությունում մի փոքր բացելով փակագծերը նաև նշել են, որ ռեժիսորն իր առջև խնդիր է դրել հայտնի վեպը ներկայացնել «սև» կլոունադայի գեղագիտությամբ:

«Մեր աշխարհում շատ բաների հետ կորել է նաև մշակութային երկու բան՝ կլոունադան և Դոստոևսկուն որպես կենդանի հումորով մարդու ըմբռնումը»,- ասել է երիտասարդ ռեժիսորը:

Ավելացնենք, որ այս նոր փորձարարական բեմադրության բոլոր գործողությունները տեղի են ունենում բարդ մեդիաինստալացիաների միջավայրում, որոնց հեղինակն ինժեներային թատրոնի («АХЕ») նկարիչ Պավել Սեմչենկոն է:
    Դիտվել է 301 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ