Քաղաքակրթական ներուժը կեցության բարձրագույն արժեք է:

Գործի մեջ կներգրավեն նաև տարածաշրջանների իշխանության մարմիններին

12.25.2015

Ռուսաստանում 2016 թ.-ին «Մեծ հյուրախաղեր» ծրագրի համար նախատեսվում է իրացնել 250-270 մլն ռուբլի, որը զգալիորեն ավելի է 2015թ.-ին այդ նպատակի համար հատկացված միջոցներից: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Խոսելով իրենց երկրի տարածաշրջաններում խոշոր թատրոնների կողմից անցկացվող հյուրախաղային գործունեության մասին, ՌԴ մշակույթի նախարար Վլադիմիր Մեդինսկին նշել է, որ այս ծրագիրը առավել արդյունավետ դարձնելու և մասշտաբները ընդարձակելու նպատակով կառավարությունը մտադիր է այս գործ մեջ ներգրավել նաև տարածաշրջանների իշխանության մարմիններին, ինչպես նաև հովանավորների, քանի, որ, ըստ նրա «դաշնային բյուջեն ի վիճակի չի ստանձնել բոլոր պարտավորությունները»:

Ռուսաստանում այս տարի մեկնարկած «Մեծ հյուրախաղեր» ծրագրին մասնակցել են դաշնային և տարածաշրջանային նշանակության 21 թատրոններ, 3 թատերական բարձրագույն ուսումնական հաստատություններ: Միջոցառումը, որը մեկնարկել էր 2015թ.-ի մայիսին և եզրափակվել հոկտեմբերին, հնարավորություն է ընձեռել երկրի ամենատարբեր և ամենահեռավոր բնակավայրերի թատերասերների ուշադրությանը ներկայացնելու 192 բեմադրություն:

Նշելով նման միջոցառման կարևորությունը, Մոսկվայի նահանգային թատրոնի գեղարվեստական ղեկավար Սերգեյ Բեզռուկովը ասել է, որ հյուրախաղերի մեկնելիս իրենք իրենց հետ տարել են « երկու ծանրաքարշակների վրա բարձած 12 տոննա դեկորացիա ու հանդրձանք, 99 մարդ՝ բեմադրական մասի հետ միասին»: Նա ընդգծել է, որ նման ծավալներով հյուրախաղերի ուղևորվելն առանց դաշնային օժանդակության անհնար կլիներ:

Արժե հիշատակել, որ տարեցտարի «Մեծ հյուրախաղեր» թատերական ծրագրի ընդգրկումն ու ներկայացվող բեմադրությունների քանակն ավելանալու միտում է արձանագրում: Այսպես, եթե 2014թ.-ին այս միջոցառման շրջանակներում ընդգրկել է 28 տարածաշրջան, որոնցում ցուցադրվել է 114 ներկայացում, ապա 2015թ.-ին հյուրախաղային քարտեզում տարածաշրջանների թիվն ավելացել է 8-ով, իսկ ցուցադրված ներկայացումների թիվը՝ 78-ով:

Ի դեպ, «Մեծ հյուրախաղեր» ծրագրի առաջատար թատերական կոլեկտիվը Մոսկվայի Վախթանգովի անվան թատրոնն է: Դրա մասին է վկայում այն հանգամանքը, որ Ռուսաստանի տարածաշրջանների մեծամասնության կողմից ամենապահանջարկվածը Ռիմաս Տումինասի ղեկավարությամբ գործող թատերախմբի բեմադրություններն են:
    Դիտվել է 840 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484>>հաջորդ
    Արխիվ ըստ ամիսների