Քաղաքակրթական ներուժը կեցության բարձրագույն արժեք է:

Նա ավելի շուտ երևույթ է, քան թե՝ մարդ

01.14.2016


Մոսկվայի Վախթանգովի անվան թատրոնի գեղարվեստական ղեկավար Ռիմաս Տումինասը Ռուսաստանի Մեծ թատրոնում նախապատրաստվում է Դմիտրի Շոստակովիչի «Մցենսկի կոմսության լեդի Մաքբեթը» ներկայացման պրեմիերային: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Ներկայացման առիթով Մեծ թատրոն հրավիրված իր համախոհների հետ ռեժիսորը մտադիր է իր համար փորձարարական նշանակության բեմադրությունը (նա օպերա է բեմադրում առաջին անգամ) հանդիսատեսի դատին հանձնել մոտ մեկ ամիս հետո:

Տումինասի աշխատանքը ցուցադրում է, որ նա շատ խիստ ուշադրություն է հատկացնում դերասանական աշխատանքի և հատկապես յուրաքանչյուր երաժշտական արտահայտության վրա, որը նա վերածում է դրամատուրգիական լեզվի:
Լեդի Մաքբեթի կամ Կատերինա Իզմայլովայի նկատմամբ վերաբերմունքը փոփոխվում է գործողության ընթացքում, ճիշտ ինչպես Շոստակովիչի օպերայի նկատմամբ վերաբերմունքի պատմությունը:

Այս ստեղծագործության առաջին խմբագրությունը 1930-ական թվականներին քննադատվել է «Պրավդա» թերթում, ճիշտ մեկ օր այն բանից հետո, երբ օպերան դիտեց Ստալինը: Ռուս հանճարեղ կոմպոզիտորի այս գործը ավելի քան 20 տարի արգելքի տակ հայտնվեց: Երկրորդ խմբագրությունը Շոստակովիչը ավելի մեղմացրեց: Ռիմաս Տումինասը կոմպոզիտորի հետ համերաշխ է: Լեդի Մաքբեթը կամ Կատերինա Իզմայլովան «հաղորդակցվող է, նա՝ կին է»,- նշում է Տումինասը:

«Ես ցանկանում եմ բոլորին արդարեցնել՝ և Բորիս Իզմայլովին, և Զինովիին, և, նույնիսկ, Սերգեյին: Չկան վատեր, չարեր: Կան դժբախտներ, այդպես է դասավորվել կյանքը, այդպես են նրանք ապրում, հասկանում: Սա Պոլիֆոնիա է, սա լավն է: Առայժմ դեռ հաջողվում է արդարեցնել»:,- ընդգծում է ռեժիսորը:

Բեմատարածքը բաժանված է մասերի՝ սևը և սպիտակը այստեղ չարը և բարին չեն, բայց անազատությունը և ազատությունն են: Մարդասպան և ինքնասպան Կատերինա Իզմայլովային հատկացվել է լուսավոր կեսը: Միակը, որ դեռ հասկանալի է Լեդի Մակբեթի մասին, այն է, որ նա ավելի շուտ երևույթ է, քան թե՝ մարդ:

«Նրան կարելի է զգալ, երբ արդեն երգում ես: Այն դասդասվում է աստիճանաբար, ես չեմ տեսնում նրա դեմքը հստակ, սակայն, ես արդեն գուշակում եմ, թե ով է նա: Սա, իհարկե, երկար գործընթաց է»,- իր խոհերն է կիսում երգչուհի Մարիա Լոբանովան:

Ենթադրվում է, որ Ռիմաս Տումինասը իր բեմադրությունը կառուցում է Շոստակովիչի կամքին համապատասխան, պարզապես, շատ ավելի դրամատիկական, քան սովորական օպերան:
    Դիտվել է 326 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ