Քաղաքակրթական ներուժը կեցության բարձրագույն արժեք է:

Մատնանշում է այդպիսի ներկայացումների բացասական ազդեցությունը երեխաների վրա

01.27.2016

Լեհաստանի մայրաքաղաք Վարշավայի իշխանություններն արգելել են քաղաքի տարածքում և նրա վարչական իրավասության տակ գտնվող օբյեկտներում կազմակերպել և անցկացնել վարժեցված կենդանիների մասնակցությամբ զվարճալի կամ ժամանցային միջոցառումներ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Քաղաքապետարանի պաշտոնյաները հայտարարել են, որ վարժեցրած կենդանիների մասնակցությամբ ժամանցների կազմակերպումն ավելի ու ավելի մեծաքանակ հակադիր կարծիքների ձևավորման պատճառի է վերածվում ոչ միայն Լեհաստանում, այլև՝ ամբողջ աշխարհում:

«Կրկեսներում գազանների նկատմամբ վարվում են ինչպես անշունչ առարկաների հետ, վարժեցման միջոցներով ստիպում են կատարել գործողություններ, որոնք բնորոշ չեն նրանց բնույթին, պահում են կոնկրետ տեսակների համար ոչ բնորոշ պայմաններում: Բացի այդ դատապարտման են արժանի գազանների տեղափոխման և ներկայացումների միջակա ժամանակահատվածներում սեզոնից դուրս ժամանման վայրերում առկա պայմանները»,- գրված է Վարշավայի քաղաքապետ Հանա Հրոնևիչ-Վալցի կարգադրության մեջ:

Իրենց այս որոշումը քաղաքային իշխանությունները նաև փաստարկում են այն բանով, որ գազանների մասնակցությամբ շոուների անցկացումը չի խրախուսում նաև Լեհաստանի գիտությունների ակադեմիայի հոգեբանության հանձնաժողովը, որը մատնանշում է այդպիսի ներկայացումների բացասական ազդեցությունը երեխաների վրա: Տեսնելով բեռնատարների, վանդակների մեջ կամ կապված կենդանիներին՝ երեխաների մոտ կարող է ձևավորվել կայուն պատկերացում, որ կենդանիների հետ վատ վարվեցողության մեջ ոչ մի վատ բան չկա:

Լեհաստանի մայրաքաղաքի քաղաքապետարանում հաստատված փաստաթուղթը նույնիսկ արգելում է իր իրավասության տակ գտնվող որևէ անշարժ գույք տրամադրել այն կրկեսներին, որոնց ներկայացումներում մասնակցում են կենդանիներ, կազմակերպություններին, որոնք կտարածեն կենդանիների մասնակցությամբ ներկայացումների մասին տեղեկատվություն կամ տոմսեր:

Վարշավայի փոխքաղաքապետ Յարոսլավ Յուզվյակը նշել է, որ այս արգելքը առայժմ չի վերաբերում այն միջոցառումներին, որոնք կազմակերպվում են մասնավոր տարածքներում: «Սակայն քաղաքը դիմում է քաղաքի սեփականությունը չհանդիսացող բոլոր հողերի կառավարիչներին, որպեսզի նրանք նույնպես հրաժարվեն նման կրկեսային ներկայացումներ իրենց տարածքներում անցկացնելու մտքից»,- հայտարարել է Վարշավայի քաղաքապետարանի մամլո քարտուղարությունը:

Ավելացնենք, որ Վարշավայից բացի, գազանների բնական իրավունքների պաշտպանությամբ հանդես են եկել նաև Լեհաստանի բազմաթիվ այլ խոշոր քաղաքներ, մասնավորապես՝ Վրոցլավը, Պոզնանը, Լոձը և այլն:
    Դիտվել է 274 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ