Քաղաքակրթական ներուժը կեցության բարձրագույն արժեք է:

«Երեք քույրեր»-ում դերասանների հետ միաին բեմ դուրս կգան ռոբոտներ

10.03.2013

Հոկտեմբերի 4-6-ը «Դրամատիկական արվեստի դպրոց» թատրոնում տեղի կունենան ճապոնական «Seinendan» թատերախմբի հյուրախաղերը: Այն կցուցադրի «Երեք քույրեր` անդրոիդ-տարբերակ» ներկայացումը: Թատերախաղը միավորում է Չեխովի պիեսը ռոբոտատեխնիկայի բարձր ոլորտի տեխնոլոգիաների հետ: Դերասանների հետ բեմ կմտնեն է «Geminoid F» անդրոիդը և «Robovie R3» ռոբոտ-սպասավորը, հաղորդում է «teatral-online.ru»-ն:

Ինքնատիպ այս նախագիծը Մոսկվա կբերվի համաշխարհային շրջագայության շրջանակներում և կբացի «Ճապոնական աշուն-2013» փառատոնը:

«Robot Theater Project»-ը առաջացել է երկու հոգու` ռեժիսոր Օրիզա Հիրաթայի և ռոբոտատեխնիկայի մասնագետ Հիրոսի Իսիգուրոյի ջանքերի շնորհիվ: Նշենք, որ Օրիզա Հիրաթան դրամայի աշխարհը կառուցում է իր ստեղծած «ժամանակակից խոսակցական թատրոնի տեսության» հիման վրա: Իսկ Հիրոսի Իսիգուրոն հայտնի է իր ճգրիտ պատճենը հանդիսացող «հեմինոիդ» ռոբոտի ստեղծմամբ:

Ճապոնացի այս երկու ավանգարդիստները իրենց մի քանի անսովոր ներկայացումներով շրջում են աշխարհով մեկ, որոնցից մեկը` «Sayonara»-ն («Հրաժեշտ»-ը), պատմում է մի կնոջ մասին, ով տառապում է անբուժելի հիվանդությունից և վերաիմաստավորում իր կյանքը ռոբոտ-հումանոիդի հետ ունեցած զրույցի ընթացքում :

Երկրորդ բեմադրությունը ` «I, Worker»-ը («Ես աշխատավոր եմ»-ը), ցույց է տալիս, թե որքան դժվար է դասավորվում ամուրիի և նրա մեխանիկական ռոբոտի միջև փոխհարաբերությունները:

Ըստ Օրիզա Հիրաթայի մտահղացման, ով հանդիսանում է պիեսների հեղինակը և բեմադրությունների ռեժիսորը, մարդիկ և ռոբոտները իրար մեջ են կիսում գլխավոր դերերը:

«Robot Theater Project»-ը մարդու և տեխնիկայի փոխհարաբերությունները պետք է դուրս բերի փիլիսոփայական մակարդակի վրա: Այս նախագծի մյուս խնդիրը գիտության և մշակույթի միավորումն է:
    Դիտվել է 612 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ