Քաղաքակրթական ներուժը կեցության բարձրագույն արժեք է:

Հովհաննես Այվազովսկու 200 ամյակին ընդառաջ կբացվի մեծ ցուցահանդես

02.05.2016

Մեծ ծավանկարիչ Հովհաննես Այվազովսկու ծննդյան 200 ամյակին ընդառաջ Մոսկվայի Տրետյակովյան պատկերասրահը պատրաստվում է առաջիկայում բացել «Հովհաննես Այվազովսկի: Ծնդյան 200-ամյակի առթիվ» մեծամասշտաբ ցուցահանդեսը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Խոսելով հայտնի պատկերասրահի այս նոր նախագծի մասին, հաստատության տնօրեն Զեմֆիրա Տրեգուլովան այսօր նշել է, որ իր կարծիքով «այս տարվա բոլոր ցուցահանդեսներից այցելուների ամենամեծ հերթերը կառաջանան Այվազովսկու համար՝ հուլիսին»:

Ըստ տնօրենի այդ ցուցադրանքի ժամանակ արվեստասերների ուշադրությանը կներկայացվի մեծ ծովանկարչի 100 գունանկար և 50 գրաֆիկական աշխատանք: Ընդ որում կցուցադրվի նաև նախկինում ոչ մի անգամ հանրությանը չներկայացված «Կովկասի ափերի մոտ» կտավը և առավել հայտնի այնպիսի գործեր, ինչպիսիք են «Ծիածան»-ը, «Սև ծով»-ը, «9-րդ ալիք»-ը, «Ալիք»-ը և այլն:

Այս ցուցահանդեսի նպատակը նաև նկարչի մասին կենցաղային ժողովրդայնության մակարդակում ձևավորված թերահավատության փարատումն է: Տրեգուլովան նշել է, որ իրենք ցանկանում են վերջնականապես ցրել նման բոլոր կասկածները մեծ նկարչի ստեղծագործության վերաբերյալ:

Հովհաննես Այվազովսկին ծնվել է 1817 թ.-ին: Նրա նկարչական տաղանդն ի հայտ է եկել վաղ մանկության տարիներին: Հայտնի է, որ նրան նկարչության ոլորտում առաջին դասերը տվել է ազգությամբ գերմանացի, նկարիչ Յոհան Լյուդվիգ Գրոսսը, ում խորհրդով էլ երիտասարդ Հովհաննեսը հետագայում ընդունվել է Պետերբուրգի գեղարվեստի ակադեմիա: Այվազովսկին հնարավորություն է ունեցել նաև իր վարպետությունը հղկել Եվրոպայում:
    Դիտվել է 402 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165