Քաղաքակրթական ներուժը կեցության բարձրագույն արժեք է:

Ռեժիսորը մեղավոր է ճանաչվել ահաբեկչական կազմակերպություն ստեղծելու մեջ

02.10.2016


Ուկրաինացի ռեժիսոր Օլեգ Սենցովը, ով Ռուսաստանում ահաբեկչության մեղադրանքով դատապարտվել է 20 տարվա ազատազրկման, ոստիկանական հսկողության ներքո տեղափոխվել է Յակուտիա: «Դա վրեժ է, որոշակիորեն դա վրեժ է անհնազանդ լինելու դիմաց»,- իր «Twitter»-ում գրել է դատապարտյալի փաստաբան Մարկ Ֆեյգինը: Նրա կարծիքով «Սենցովից պետք է խոստում կորզեն իր մեղքն ընդունելու մասին և ստանան ցուցմունքներ շատերի դեմ, ինչպես սովորաբար...» Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Հիշեցնենք, որ Օլեգ Սենցովը 2014թ.-ի մայիսին ձերբակալվել է Ղրիմում, 2015 թ.-ի օգոստոսին մեղավոր է ճանաչվել ահաբեկչական կազմակերպություն ստեղծելու մեջ և Դոնի Ռոստովում, ՌԴ Հյուսիսկովկասյան տարածաշրջանային զինվորական դատարանի կողմից դատապարտվել ուժեղացված ռեժիմով գաղութում 20 տարվա ազատազրկման : Նոյեմբերին ՌԴ Գերագույն դատարանը դատավճիռը թողել է անփոփոխ:

Անձամբ Սենցովը չի ընդունում իր մեղքը և իրեն մեղավոր չի ճանաչում: «Մեմորիալ» իրավապաշտպան կենտրոնը նրան համարում է քաղաքական բանտարկյալ: Ռեժիսորին սատար են կանգնել կինոարվեստի այնպիսի ներկայացուցիչներ, ինչպիսիք են, Ալեքսանդր Սոկուրովը, Նիկիտա Միխալկովը, Անդրեյ Զվյագինցևը, Պավել Բարդինը և այլք: Իսկ օտարերկրյա այնպիսի հայտնի ռեժիսորներ, ինչպիսիք են Պեդրո Ալմոդովարը, Վիմ Անդերսը, Քշիշտոֆ Զանուսին, Անջեյ Վայդան, Քեն Լոուչը և այլք, մի շարք պաշտոնատար անձանց են դիմել՝ կոչ անելով երաշխավորել Սենցովի անվտանգությունը, տեղեկացնել նրա գտնվելու վայրի մասին, ներկայացնել ընդդեմ նրա հստակ մեղադրանքներ և անցկացնել ձերբակալության գործով թափանցիկ քննություն:

Օլեգ Սենցովը հայտնի է իր «Գամեր» ֆիլմով, որի համաշխարհային պրեմիերան կայացել է 2011թ.-ին Ռոտերդամում կայացած միջազգային կինոփառատոնում: Այդ կինոնկարը Խանտի-Մանսիյսկում ստացել է կինոմեկնաբանների և կինոքննադատների գիլդիայի «Կրակի ոգին» մրցանակը և ցուցադրվել է միջազգային բազմաթիվ այլ կինոփառատոներում:
Օլեգ Սենցովի մյուս նախագիծը, որն ունի «Ռնգեղջյուր» վերնագիրը, նույնպես ստացել է միջազգային համբավ և հաղթել է Բուլղարիայում կայացող միջազգային կինոշուկայի հայտերի եվրոպական մրցույթում:
    Դիտվել է 234 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ