Քաղաքակրթական ներուժը կեցության բարձրագույն արժեք է:

Օրենքով կպաշտպանվի թատերական ռեժիսորի մտավոր սեփականությունը

02.29.2016


Ռուսաստանի պետական դումայում նախատեսում են կազմակերպել կլոր սեղան՝ նվիրված թատերական ռեժիսորների հեղինակային իրավունքների պաշտպանությանը: Բանն այն է, որ մինչև այսօր այդ երկրում բեմադրություններ իրականացնողները պաշտոնապես չեն հանդիսանում իրենց ներկայացումների հեղինակ: Այդ մասին տեղեկացնում է «taglur.am»-ը՝ հղում անելով «radiovesti.ru»-ին:

Այդ իրավիճակը որոշվել է կարգավորել օրենքով:

Ռուսաստանի թատերական գործիչների միության ռեժիսորների գիլդիայի նախագահ Վալերի Ֆոկինը և իր գործընկերները եկող երեքշաբթի այդ հիմնախնդիրը կներկայացնեն երկրի օրենսդիրներին:

Այս խնդիրը շատ ավելի հրատապ է դառնում այն իրողության ֆոնի վրա, որ, օրինակ, վաղուցվանից կինոռեժիսորները օրենսդրորեն հանդիսանում են իրենց մտավոր ստեղծագործության սեփականատերը, իսկ թատրոնի ռեժիսորների մասին դրա վերաբերյալ խոսք չկա:

Թատերական ռեժիսորների մտավոր սեփականության օրենքով պաշտպանված չլինելու հանգամանքը արտահայտվում է այն բանով, որ հաճախ մի թատրոնում գտնված բեմական լուծումը հանկարծ հայտնվում է նաև մեկ այլ բեմում, կամ թատերախմբից հեռացած դերասանը դրամ վաստակելու նպատակով իր հետ վերցնում է ներկայացման ռեկվիզիտի ինչ-որ դետալներ և այլն:

Եվ շատ կարևոր է այն, որ հանդիսատեսները կարողանան տարբերակել՝ իրենք բեմի վրա տեսնում են կոնկրետ պիեսի մի մեկնաբանություն, որը հանդիսանում է համապատասխան բեմադրող ռեժիսորի մտավոր գործունեության արգասիքը:
    Դիտվել է 281 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ