Քաղաքակրթական ներուժը կեցության բարձրագույն արժեք է:

Ներկայացման մեջ դերասանները բառացիորեն զրկվել են ձայնի իրավունքից

03.02.2016

Ռուսաստանի մայրաքաղաքում «Ոսկե դիմակ» ազգային թատերական մրցանակաբաշխության շրջանակներում շարունակվում են լավագույն երկայացումների ցուցադրությունները: Նախօրեին մոսկվացի հանդիսատեսների առջև անսովոր բեմադրությամբ հանդես եկան Սանկտ-Պետերբուրգի Մեծ թատրոնի արտիստները: Նրանք ներկայացրին Կառլո Գոլդոնիի հայտնի «Երկու տիրոջ ծառան» պիեսի սեփական մեկնաբանությունը՝ ռեժիսոր Անդրեյ Ժոլդակի բեմադրությամբ:

Սա մի ներկայացում է, որը միմյանց մեջ է տարալուծել սուր սյուժետային գիծ ունեցող մարտարվեստի, թրիլլերի և կատակերգության տարրերը: Ներկայացումը կոչվում է «Zholdak Dreams-զգացմունքներ առևանգողները»:

Ի դեպ, Ժոլդակի բոլոր բեմադրություններն են երազի սկզբունքներով կառուցված՝ դրանք ասես չունեն սահմաններ: Ներկայացման դեկորացիաները նույնպես խոսում են դրա մասին՝ ինչ-որ մի տարօրինակ բազմոց, գորգ, հատակին կանգնեցրած հովհար, որոնց կապը Գոլդոնիի պիեսի հետ դժվար է գտնել:

Պետերբուրգյան թատրոնի գեղարվեստական ղեկավար Անդրեյ Մոգուչին հասկանում է, թե որքան ազատ կստացվեր պիեսի մեկնաբանությունը, բայց և այնպես, պրեմիերայից ոչ շատ առաջ պնդեց փոխել ներկայացման վերնագիրը, որպեսզի «հանդիսատեսը չշփոթվեր»:

«Անդրեյը (Ժոլդակը-խմբ.) հայտնի է իր կատաղի երևակայությամբ: Նյութը նրա սյուրռեալիստական և ինչ-որ զգացմունքային ուժեղ արտահայտություններով հանդիսանում է խթան երազների համար: Դա նրա հայտնի ձեռագիրն է»,- նշել է Պետերբուրգի Մեծ դրամատիկական թատրոնի գեղարվեստական ղեկավարը:

Այս ներկայացման մեջ գրեթե բոլոր դերասանները բառացիորեն զրկվել են ձայնի իրավունքից: Այստեղ նրանց ներկայացվում են ձայնագրությամբ: Այս հնարքի մասին, գուցե և, հանդիսատեսը միանգամից չգուշակի: Թեև կրկնորինակման մեջ վիրտուոզ դերասանները բոլորի աչքի առջև են հանդես գալիս: Նրանք ոչ միայն խոսում են, այլև հոգոց են քաշում, ծիծաղում են, խռռացնում են ու ֆռթացնում բոլորի փոխարեն:

Այս ներկայացումից «Ոսկե դիմակի» հավակնորդ է դարձել տղամարդկանց գրեթե բոլոր դերերը ձայնագրած դերասան Սերգեյ Ստուկալովը: «Կինոյում ես ձայնագրվում էի, երբ նկարահանվում էի ինքս, իսկ այստեղ բոլորովին այլ իրավիճակ է: Այստեղ կենդանի կինո է, որը տեղի է ունենում բեմի վրա: Երեք կերպար, որոնց ես պետք է ուշադրությամբ հետևեմ»,-ասում է դերասանը:

Այս ամենը տեսնելուց հետո հանդիսատեսին մնում է գուշակել նրա առաջադրած մշակութային գաղտնագրերը և վերլուծել գրական տեքստը, իսկ «Ոսկե դիմակ»-ի հանձնաժողովին որոշել, թե արդյո՞ք ռեժիսոր Անդրեյ Ժոլդակի բեմադրությունն արժանի է ռուսական ազգային թատերական արվեստի բարձրագույն մրցանակին:
    Դիտվել է 317 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ