Քաղաքակրթական ներուժը կեցության բարձրագույն արժեք է:

Անջեյ Վայդա: Նկարիչ դառնալու երազանքը սրտում փայփայած կինոռեժիսորը

03.08.2016


Նշանավոր լեհ կինոռեժիսոր Անջեյ Վայդան օրերս ասել է, որ գաղափարների իր անձնական հավաքածոյում կուտակվել են 200-300 չիրականացված նախագծեր, որոնց ինքը պարբերաբար անդրադառնում է«քննելով, թե արդյոք, չկա՞ այնտեղ ինչ-որ մի բան, որը կարող էր հետաքրքիր լինել այսօրվա հանդիսատեսներին»: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Անջեյ Վայդան մարտի 6-ին տոնեց իր ծննդյան 90-ամյակը: Այդ առթիվ Լեհաստանի տարբեր քաղաքներում կազմակերպվեցին տարբեր միջոցառումներ: Օրինակ, Լոձ քաղաքում կազմակերպվեց ազդագրերի ցուցադրություն, որոնք աշխարհի տարբեր երկրներում հանդիսատեսներին են ներկայացրել նրա ֆիլմերը: Իսկ Կրակովում անցկացվել է համերգ, որտեղ կատարվել են միայն նրա ֆիլմերում հնչած մեղեդիներն ու երգերը: Իսկ մայրաքաղաք Վարշավայում շուտով կմեկնարկի մի նախագիծ, որը կրում է «Գեղանկարչությունը Անջեյ Վայդայի ֆիլմերում» ծորագիրը: Բացի այդ, նույն նախագծի շրջանակներում Լեհաստանի մայրաքաղաքում նախատեսվում է անցկացնել դասախոսություններ և կինոցուցադրություններ, որոնք նվիրված կլինեն նկարիչ դառնալու երազանքը սրտում միշտ փայփայած կինոռեժիսորի ներաշխարհին, որն, ի վերջո, իր այդ ունակությունները դրսևորեց կադրի մեջ:

90-ամյա Վայդան հայտարարել է, որ տարիքն իրեն չի խանգարում և նա պետք է շարունակի աշխատել: «Քանի դեռ ես ֆիզիկապես ունակ եմ, ես ուզում եմ աշխատել մարդկանց մեծ խմբի՝ կինեմատոգրաֆիստների թիմի հետ, որպեսզի պատասխանեմ նրանց հարցերին և վարակեմ իմ էներգիայով»:

Անջեյ Վայդան կինոաշխարհին և հանդիսատեսներին հայտնի է իր այնպիսի ֆիլմերով, ինչպիսիք են՝ « «Ջրանցքը» (1957թ.), «Մոխիր և ադամանդ»(1958թ.), «Մոխիր» (1965թ.), «Դրախտի դարպասները» (1967թ.) և այլն: Ընդհանուր առմամբ նա նկարահանել է մոտ 40 կինոնկար:
    Դիտվել է 328 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240