Քաղաքակրթական ներուժը կեցության բարձրագույն արժեք է:

Կոկո Շանելը եղել է հետախուզության գործակալ

03.17.2016

20-րդ դարի առաջին կեսի նորաձևության կերպարն ամբողջացնող ֆրանսուհի Կոկո Շանելը երկրորդ համաշխարհային պատերազմի տարիներին աշխատել է գերմանական հետախուզության համար: Այդ մասին հայտնի է դարձել հատուկ ծառայությունների արխիվային փաստաթղթերը բացելուց և հրապարակելուց հետո: Այդ մասին տեղեկացնում է «taglur.am»-ը՝ հղում անելով «ntv.ru»-ին:

Շանելին վերաբերող գործում կա ֆրանսիական Դիմադրության շարժման անդամներին հասցեագրված մի նամակ՝ գրված Մադրիդում գտնվող անհայտ աղբյուրից: Այդ գրության մեջ հաստատվում է, որ Շանելը, ով առանց այն էլ համարվում էր կասկածելի, 1942-1943 թթ.-երին եղել է բարոն Գյունտեր ֆոն Դինկլագեի սիրուհին և գործակալը: Բարոնը այդ ժամանակ աշխատելիս է եղել գերմանական դեսպանությունում և կասկածվել է քարոզչական և հետախուզական գործունեություն իրականացնելու մեջ:

Գերմանական հետախուզությունը («Աբվերը») գրանցել է Կոկո Շանելին որպես իր գործակալ և մոդելագործուհին կարող էր տեղեկություններ հաղորդել կամ գերմանացիների համար կատարել ինչ-որ հանձնարարություններ: Սակայն հայտնի չի, թե արդյոք ինքը՝ Շանելը գիտեր այն մասին, որ հանդիսանում է գերմանական գործակալ: Այդ մասին տեղեկացնում է «РИА новости»-ին:

Պատերազմի ժամանակ մոդելագործը փակել էր իր բոլոր սրահները, իսկ հետո կապվել գերմանական իշխանությունների հետ, երբ ձերբակալել են իր զարմիկին: Ֆրանսիայի ազատագրումից հետո Կոկո Շանելը վտարվել է երկրից՝ նվաճողների հետ համագործակցության մեղադրանքով:

Նշանավոր մոդելագործի կենսագիրները բազմիցս են նշել, որ Շանելը կարող էր գերմանացիներին ոչ միայն հաղորդել տեղեկություններ, այլև մասնակցել լրտեսական առաքելությունների:
    Դիտվել է 329 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171