Քաղաքակրթական ներուժը կեցության բարձրագույն արժեք է:

Այն սև շրջազգեստը, որով մեծ արտիստուհին սկսեց իր աստղային վերելքը

03.23.2016

Այսօր Մոսկվայի «Գելիկոն օպերա» թատրոնում բացվել է «Լյուդմիլա Գուրչենկոյի արտիստական կերպարները» ցուցահանդեսը, որտեղ ներկայացվել են դերասանուհու բեմական հագուստները: Այդ մասին տեղեկացնում է «taglur.am»-ը՝ հղում անելով «РИА новости»-ին:

Հատկանշական է, որ ներկայացված ցուցանմուշների հիմնական մասը դերասանուհին պատրաստել է իր ձեռքերով:

Բացի այդ ցուցադրանքում տեղ է գտել հայտնի մոդելյոր Վալենտին Յուդաշկինի պատրաստած բեմական այն հագուստը, որով նա հանդես է եկել Իսրայել կատարած հյուրախաղերի ժամանակ: Այստեղ է նաև այն սև շրջազգեստը, որով Լյուդմիլա Գուրչենկոն հասարակության առջև երևաց Էլդար Ռյազանովի 80-ամյակի հանդիսության ժամանակ: Դա հայտնի «Դիմակահանդեսային գիշեր» ֆիլմի այն հագուստն է, որով մեծ արտիստուհին սկսեց իր աստղային վերելքը կինոյում:
    Դիտվել է 387 անգամ