Քաղաքակրթական ներուժը կեցության բարձրագույն արժեք է:

Առևանգել են դրամատուրգի գանգը

03.29.2016

Անգլիացի դրամատուրգ և բանաստեղծ Ուիլյամ Շեքսպիրի գանգը իրոք գողացել են գերեզմանից: Այդ մասին տեղական լրատվամիջոցների հաղորդագրությունը փոխանցում է «taglur.am»-ը՝ հղում անելով «interfax»-ին:

«Իրոք, երևում է, որ Սուրբ Երրորդությունում (Էյվոնի վրայի Սթրաթֆորդ քաղաքի եկեղեցում, որտեղ գտնվում է Շեքսպիրի գերեզմանը) ընդհանրապես գանգ չկա», - հայտարարել է Սթրաթֆորդշիրյան համալսարանի հնագետ Քևին Քոլլսը՝ գերեզմանի սքանավորումից հետո:

Նրա խոսքերով, ուսումնասիրության ընթացում գիտնականներին հաջողվել է բացահայտել գերեզմանի գլխամասում անձեռնմխելիության խախտում:

Այսպիսով, նշում են լրատվամիջոցները, հաստատվում է այն վարկածը, որ դրամատուրգի գանգը գերեզման թալանողները առևանգել են դեռևս 18-րդ դարում:

Իր հերթին եկեղեցու առաջնորդ Պատրիկ Թեյլորը հայտարարել է, որ իր կարծիքով «չկան բավարար ապացույցներ այն բանի, որ գանգը գողացել են»: Նա նաև ընդգծել է, որ այլևս թույլ չի տա անհանգստացնել բանաստեղծի գերեզմանը:

Մեծ դրամատուրգի գերեզմանի ուսումնասիրությունը իրականացվում է նրա մահվան 400-ամյակի շրջանակներում:




Որոնման համակարգում այս թեմայով նյութերի բանալի բառը՝ Շեքսպիր
    Դիտվել է 412 անգամ