Քաղաքակրթական ներուժը կեցության բարձրագույն արժեք է:

Մենաներկայացման պրեմիերա բեմարվեստի հայ առաջին պրոֆեսիոնալ արտիստուհու մասին

03.31.2016

Մարտի 30-ին ռեժիսոր Գառնիկ Սեյրանյանը և դերասանուհի Հասմիկ Տեր-Կարապետյանը Երևանի պետկան կամերային թատրոնում ներկայացրին «Ժամանակի վարագույրը» մենաներկայացումը՝ նվիրված հայ բեմի առաջին պրոֆեսիոնալ դերասանուհի Արուսյակ Փափազյանին:

Մեկ ժամից մի քիչ ավելի տևողությամբ ներկայացման ընթացքում հանդիսատեսի աչքի առջև հեղինակները թերթում են բեմարվեստի նվիրյալի կյանքի վերջին շրջանի ողբերգական էջերը:

Գեղեցկության և մարդկայինի հավատն հոգու խորքերում ամուր ամբարած Արուսյակը հայտնվել է սոցիալական սանդուղքի ստորին հարթությունում: Այնտեղ գոյության ու անգոյության սահմաններն իրար են հատվում և մարդկային առաքինությունը, չասենք հոգևորն ու գեղեցիկը, պարզապես օտարոտի չափման միավորների են վերածվում:

Նախկինում դերասանական փառք վայելող ու հանդիսատեսից երկրպագության ծաղկեփնջեր ընդունող Արուսյակի համար հիմա գլխավոր թեման գոյության կռիվն ու սեփական ֆիզիկական ներկայությունը սոցիալական դժվարագույն մարտահրավերների տարածքում պահպանելն է: Նա, նույնիսկ չի էլ նկատում, որ հայտնվել է մի խաչմերուկում, որտեղ հասունանում են վերջնական անկման ապացույցները ՝ մեղսագործ մտքերը և իրեն մոռացած զավակներին սպանելու հանցագործ պոռթքումը ...

Սակայն Արուսյակին օգնության է հասնում հայ բեմի մեկ այլ հավերժական բնակչի՝ Ազնիվ Հրաչյայի նամակը և դրամական օգնությունը...

Հանցագործությունը կանխվում է: Սակայն հանցածին միջավայրի որոգայթները, միևնույնն է, պահպանում են իրենց կենսունակությունը և բեմարվեստի իր մեծ գործընկերներին հիշողությունների մեջից կրկին վերագտնող Արուսյակ Փափազյանին մնում է միայն բարոյական հաղթանակ տանելու առաքինի քայլը: Նրա վերջին քայլը...

Բռնի ուժով իրեն հոգեբուժարանում փակել ցանկացողների քթի առջև Հասմիկ Տեր-Կարապետյան - Արուսյակ Փափազյանը ազատ է արձակում իր միակ զրուցընկերոջը և դժվար օրերի ուղեկցին՝ վանդակում բնակվող Հորացիոս անունով թռչունին...
    Դիտվել է 318 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ