Քաղաքակրթական ներուժը կեցության բարձրագույն արժեք է:

Նախագահ Ռեջեփ Թայիփ Էրդողանի գլխավորած կուսակցության կոռումպացվածությունը

04.14.2016

Միջազգային գրական շրջանակներում մեծ հեղինակություն վայելող Բուքերյան մրցանակին այս տարի հավակնում են 6 գրող: Այդ մասին հեղինակավոր մրցանակի ժյուրիի հայտարարությունը փոխանցում է «taglur.am»-ը՝ հղում անելով «ՏԱՍՍ»-ին:

Մրցանակի թեկնածուներ են դարձել Ժոզե Էդուարդո Ագուալուզան (Անգոլա), Հելենա Ֆերրանտեն (Իտալիա), Հան Քանգը (Հարավային Կորեա), Յան Լյանկեն (Չինասատան), Ռոբերտ Սիթալերը (Ավստրիա) և Օրհան Փամուկը (Թուրքիա):
Թուրք գրող Օրհան Փամուկը, ով 2006 թ.-ին արժանացել է Նոբելյան մրցանակի այս մրցույթին է ներկայացրել տակավին դեռ թարմ մի աշխատանք, որը կրում է «Իմ տարօրինակ մտքերը» վերնագիրը: 63-ամյա գրողը այս գործում անդրադառնում է երկրի ներքաղաքական կյանքին: Նա պատումը հյուսում է գավառից Ստամբուլ մեկնած երկու ընտանիքների միջոցով:

Փամուկը այստեղ վերհանում է ժամանակակից թուրքական իրականություն կյանքի շատ կողմեր՝ քրդական հիմնախնդիրը, սոցիալական անհավասարությունը և այլն: Նա ներկայացնում է Թուրքիայի ներկա նախագահ Ռեջեփ Թայիփ Էրդողանի գլխավորած կուսակցության կոռումպացվածությունը և երկրում խոսքի ազատությանը վերաբերող իրավիճակը:

Ի տարբերություն 1969 թ.-ին հիմնված Բուքերյան մրցանակի, որը նախատեսված էր միայն Բրիտանական կայսրության տարածքում ապրող ու ստեղծագործող գրողների համար, Միջազգային Բուքերյան մրցանակը հիմնադրվել է շատ ավելի ուշ՝ 2005 թ.-ին և մինչևև վերջերս շնորհվում էր երկու տարին մեկ անգամ: Բայց սկսած ընթացիկ՝ 2016 թ.-ից այն կտրվի ամեն տարի: Այս մրցանակաբաշխությանը կարող է մասնակցել յուրաքանչյուր գրքի հեղինակ: Գիրքը պետք է թարգմանված լինի անգլերեն:

Միջազգային Բուքերյան մրցանակի չափը 50 հազար ֆունտ է (71 հազար ԱՄՆ դոլար): Այն հավասար կիսվում է գրքի հեղինակի և թարգմանչի միջև:

Անցյալ տարի Միջազգային Բուքերի դափնեկիր է դարձել հունգարացի գրող Լասլո Կրասնահորկային:

Նշենք, որ իր նախկին ձևաչափով մրցանակը շնորհվում էր ոչ թե որոշակի ժամանակամիջոցում գրված կոնկրետ ստեղծագործության համար, այլ « ստեղծագործական ակտիվության, զարգացման և համաշխարհային գրականության մեջ ընդհանուր ներդրման համար»:



Որոնման համակարգում այս թեմայով այլ նյութերի բանալի բառը ՝ Բուքերյան մրցանակ
    Դիտվել է 282 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164