Քաղաքակրթական ներուժը կեցության բարձրագույն արժեք է:

774 ներկայացումների նախնական դիտումներից հետո ...

04.18.2016

Անցած շաբաթ օրը Մոսկվայի Ստանիսլավսկու և Նեմիրովիչ-Դանչենկոյի անվան երաժշտական ակադեմիական թատրոնում կայացավ Ռուսաստանի «Ոսկե դիմակ» ազգային թատերական մրցանակաբաշխության հանդիսավոր արարողությունը: Այդ մասին հաղորդում է «taglur.am»-ը՝ հղում անելով «ՏԱՍՍ»-ին:

Մրցույթին մասնակցելու հայտ ներկայացրած 774 ներկայացումների նախնական դիտումներից հետո փորձագիտական հանձնաժողովը անվանակարգման ցուցակներում ընդգրկել էր երկրի 19 քաղաքներից 52 թատրոների, որոնք էլ միմյանց միջև վիճարկեցին 2016 թ.-ին նախատեսված 51 «Ոսկե դիմակ»-ների ճակատագիրը: Նշենք որ այդ թատրոնները, որոնցից կեսից ավելին գործում են երկրի տարբեր գավառներում, «Ոսկե դիմակի» տարբեր անվանակարգերի էին ներկայացրել 69 բեմադրություն:

Լավագույն օպերետա/մյուզիքլ ժանրում հաղթող է ճանաչվել Սանկտ-Պետերբուրգի երաժշտական կոմեդիայի թատրոնի «Հոլլիվուդյան արտիստուհին» ներկայացումը:

Լավագույն օպերային ներկայացում է ճանաչվել Մոսկվայի Ստանիսլավսկու և Նեմիրովիչ-Դանչենկոյի անվան երաժշտական ակադեմիական թատրոնի «Խավանշչինա» բեմադրությունը:

Լավագույն ժամանակակից պարի ներկայացում է հռչակվել «Մոսկվայի բալետ» թատրոնի «Սրճարան Ապուշ» բեմադրությունը:

Լավագույն դրամատիկական բեմադրություն է ճանաչվել «Պյոտր Ֆոմենկոյի արվեստանոց» թատրոնի «Ամռան գիշերվա երազ» ներկայացումը:

Մրցանակաբաշխության ընթացքում «Ոսկե դիմակ»-ներ են հանձնել նաև իրենց գործերում ստեղծագործական աննախադեպ որակներ ցուցաբերած մոտ 4 տասնյակ ռեժիսորների, դերասա-դերասանուհիների և թատերական այլ գործիչների:

Միջոցառումն ավարտվել է ամենապատվավոր ՝ «Թատերական արվեստի զարգացման մեջ նշանակալից ներդրման համար» անվանակարգին արժանացած գործիչներին՝ Բորիս Մեսերերին, Յուրի Սոլոմինին, Լև Դոդինին, Բորիս Էյֆմանին, Ռիմա Բելյակովային, Կլարա Կիսենկովային, Ռինատ Տազետդինովին և Ռոստիսլավ Յանկովսկուն «Ոսկե դիմակ»-ներ հանձնելով::
    Դիտվել է 290 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ