Քաղաքակրթական ներուժը կեցության բարձրագույն արժեք է:

Պուտինի նկատմամբ հարգանքը Կուստուրիցային մերժելու պատճա՞ռ

04.19.2016

Հայտնի սերբ կինոռեժիսոր Էմիր Կուստուրիցայի նոր նկարահանած «Հարդագողի ճանապարհով» ֆիլմը, որտեղ կնոջ գլխավոր դերում հանդես է գալիս Մոնիկա Բելլուչին, չի ընդգրկվել մայիսի 11-22-ին կայանալիք Կաննի միջազգային կինոփառատոնում: Այդ մասին տեղեկացնում է «taglur.am»-ը՝ հղում անելով «РИА новости»-ին»:

Միջոցառման կազմակերպիչների ասելով դա կապ չունի քաղաքականության հետ և պատճառաբանվում է զուտ «տեխնիկական պահերով»:

Ավելի վաղ Կուստուրիցան տեղեկացրել էր, որ ինքը հայտ է ներկայացրել Կաննի փառատոնում իր ֆիլմը ներկայացնելու մասին մեկ օր նախատեսված վերջնաժամկետից ուշ: Սակայն շատ լրատվամիջոցներ կարծում են, որ մրցույթում Կուստուրիցայի կինոնկարը ընդգրկելու մերժման իրական պատճառը Ռուսաստանի և անձամբ նախագահ Պուտինի նկատմամբ ռեժիսորի ունեցած հարգանքն է:

«Հարդագողի ճանապարհով» ֆիլմի իրադարձությունները անդրադառնում են 1992-1995թթ. բոսնիական պատերազմի իրադարձություններին, որտեղ գլխավոր դերերից մյուսը մարմնավորում է ինքը՝ էմիր Կուստուրիցան:
    Դիտվել է 623 անգամ