Քաղաքակրթական ներուժը կեցության բարձրագույն արժեք է:

Երեխաների միջոցով հանդիսատեսներ ներգրավելը սխալ Է

04.20.2016


Չինաստանի մամուլի, հրատարակությունների, ռադիոյի, կինոյի ու հեռուստատեսության պետական կարգավորող մարմնի վարչությունը (SAPPRFT) որոշում է կայացրել հուլիսի 1-ից արգելել անչափահասներին մասնակցել ռեալիթի և թոք-շոուներին: Այդ մասին տեղեկացնում է «taglur.am»-ը՝ հղում անելով «newizv.ru»-ին:

«Ռիելիթի-շուներ ստեղծողները պետք է առավել մեծ ուշադրություն դարձնեն անչափահասների պաշտպանության ջանքերին և սահմանափակեն նրանց մասնակցությունը իրենց ծրագրերում»,- նշված է SAPPRFT-ի որոշման մեջ:

Ռիելիթի-շոուներ կազմակերպողների կողմից հաղորդումներում հայտնի մարդկանց, այդ թվում նաև նրանց երեխաների միջոցով հանդիսատեսներ ներգրավելու գաղափարը, ըստ որոշման, համավում է սխալ: Սխալ է համարվում նաև հանդիսատեսներին ներգրավելու այն եղանակը, երբ ցուցադրվում են հաղորդումների մասնակիցների հարստությունը, առանձնատները, թանկարժեք մեքենաները, զբոսանավերը:

Չինաստանում աստղերի ու նրանց երեխաների մասնակցությամբ առավել վարկանիշային ռիելիթի-շոու ծրագրերից է «Հայրիկ, ուր ենք գնում մենք» հաղորդումը: Այս շոուի մեջ, որը հեռարձակվում է «Hunan Satellite» արբանյակային ալիքով, հայտնի հայրիկները իրենց ժառանգների հետ վրաններով և այլ հարմարություններով մի քանի օրով գնում են բնության գիրկ և այլն:

Որոշման հրապարակումից հետո պրոդյուսերները հայտնվել են ծանր կացության առջև, քանի որ առանց երեխաների մասնակցության իրենց շոուների հետաքրքրականությունը, նաև իմաստը, պարզապես, կկորչի: Նրանք, ավելի շուտ կարծում են, որ ընթացիկ սեզոնը իրենց նախագծի համար կդառնա վերջինը:

SAPPRFT—ում իրենց կազմակերպության որոշումը բացատրում են երեխաների հոգեկան առողջությունը պապանելու մտահոգությամբ և նման հաղորդումներում չափից ավելի նյութապաշտության գովերգմամբ:

Ըստ պետական պաշտոնյաների, հեռուստատեսությունը պետք է առաջ մղի կոմունիստական և ոչ թե արևմտյան գաղափարները: Նրանց ասելով չինացիները պետք է հետևեն Չինաստանի կոմունիստական կուսակցության գաղափարներին և ոչ թե աստեղային ռեալիթի-շոուների պրոդյուսերներին:

Սակայն, երկրում բոլորն էլ լավ են հասկանում, որ արբանյակային հեռարձակման և համացանցի առկայության պայմաններում այլընտրանքային լրատվամիջոցների դիրքերը, պետականի համեմատությամբ, շատ ավելի ամուր են և ծանրությունը այս մրցապայքարում, առավել շատ, արևմտյան գաղափարախոսության կողմում է:
    Դիտվել է 521 անգամ