Քաղաքակրթական ներուժը կեցության բարձրագույն արժեք է:

Բնակիչների կեսից ավելին նախընտրում են չմասնակցել «Եվրատեսիլ»-ին

05.06.2016


Բրիտանացիների կեսից ավելին կարծիք են հայտնել, որ լավ կլիներ իրենց երկիրը այդ երաժշտական մրցույթից դուրս գար: Այդ մասին «The Independent»-ի տեղեկատվությունը փոխանցում է «taglur.am»-ը՝ հղում անելով «РИА новости»-ին:

Հարցումները անցակցվել են սոցիալական ուսումնասիրություններ կատարող «YouGov» հայտնի գործակալության կողմից:

Համանման հարցումներ են անցկացվել նաև Ֆրանսիայում, Գերմանիայում, Դանիայում, Նորվեգիայում, Ֆինլանդիայում և Շվեդիայում:

Ստացված տեղեկատվության արդյունքում պարզվել է, որ Մեծ Բրիտանիան շատ ավելի վատ է վերաբերում «Եվրատեսիլ»-ին, քան մյուս երկրները:

Հարցմանը մասնակցած բրիտանացիներից միայն 40 տոկոսն է կողմ արտահայտվել այդ մրցույթում իրենց երկրի մասնակցությանը:Ընդ որում, նրանց միայն 10 տոկոսն է «Եվրատեսիլ»-ը դիտում այնտեղ հնչող երաժշտության համար: Մեծամասնությանը պարզապես դուր է գալիս շոուն և հաղորդավարների մեկնաբանությունները:

Հիշեցնենք, որ 2016 թ.-ին «Եվրատեսիլ» երգի միջազգային մրցույթը կանցկացվի նախորդ ստուգատեսում հաղթած երգիչի՝ Մանս Զելմերլոունի հայրենիքում՝ Շվեդիայի մայրաքաղաք Ստոկհոլմում: Սա «Եվրատեսիլ»-ի պատմության մեջ երկրորդ անգամն է, որ մրցույթն անցկացվում է Սկանդինավյան երկրի մայրաքաղաքում գտնվող «Գլոբ» արենայում:
«Եվրատեսիլ-2016»-ի կիսաեզրափակիչ փուլերը կկայանան մայիսի 10-ին և 12-ին, իսկ եզրափակիչ համերգը՝ մայիսի 14-ին:

Մրցույթում Հայաստանը ներկայացնում է Իվետա Մուկուչյանը: Նա իր ելույթը կսկսի կիսաեզրափակիչ փուլից՝ 7-րդ համարի ներքո:
    Դիտվել է 616 անգամ