Քաղաքակրթական ներուժը կեցության բարձրագույն արժեք է:

4 օրերի ընթացում կարող է վերածվել համաշխարհային լուսանկարչության մայրաքաղաքի

05.19.2016


Բրիտանիայի մայրաքաղաքում բացվել է «Photo London» երկրորդ միջազգային տոնավաճառը, որին մասնակցում են աշխարհի տարբեր երկրների մոտ 80 ցուցասրահներ: Միջոցառման ծրագրում նախատեսված են նաև գրքերի շնորհանդեսներ, դասախոսություններ, կինոդիտումներ և վարպետաց դասեր հայտնի լուսանկարիչների և լուսանկարչական արվեստի մասին գրքերի հեղինակների ղեկավարությամբ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Հիմնական ցուցադրանքը ներկայացված է Լոնդոնի «Սոմերսեթ հաուս» հայտնի շենքում: Այստեղ այցելուները կարող են տեսնել ամենատարբեր ոճով և ժանրերով ստեղծագործող լուսանկարիչների գործեր: Հատկապես մեծ է հետաքրքրությունը լեգենդար լուսանկարիչ Դոն Մաքքալինի աշխատանքների նկատմամբ, ով ժամանակին եղել է աշխարհի գրեթե բոլոր անհանգիստ գոտիներում՝ Վիետնամում, Կամբոջայում, Կոնգոյում, Սիրիայում: Նրա աշխատանքների շարքում ուշագրավ են նաև լոնդոնյան թափառաշրջիկների կյանքի վավերացրած կադրերը:

«Երբ ես ձեռքս վերցրեցի լուսանկարչական սարքը, հասկացա, որ լուսանկարչի աշխատանքը այնքան էլ ուրախ զբաղմունք չի: Շուրջ բոլորը քիչ չեն այնպիսի բաները, որոնք պարզապես չպետք է լինեին: Յուրաքանչյուր լուսանկարն իմ համար կարևոր է, որովհետև այն բանի վկայությունն է, որ մարդկանց կյանքում ինչ-որ բան խախտվել է: Եվ իմ պարտքն է ցույց տալ հենց այդ: Նայելով այդ լուսանկարները և դրանք միանգամից ընկալել, այնքան էլ հեշտ չի և ինձ էլ այդպիսի աշխատանքը հեշտությամբ չի տրվում»,- ասել է Դոն Մաքքալինը:

Ավելացնենք, որ այս տարի անցկացվող «Photo London» տոնավաճառը թվով երկրորդն է: Առաջին անգամ այս ձևաչափով միջոցառում Բրիտանիայի մայրաքաղաքում կազմակերպվել է 2015 թ.-ին: Այն այնքան մեծ հաջողությամբ է անցել, որ կազմակերպիչները վստահ են, որ դա իրենց քաղաքը կարող է վերածվել համաշխարհային լուսանկարչության մայրաքաղաքի, իհարկե որոշ վերապահումով՝ եթե ոչ ամբողջ տարվա կտրվածքով, ապա, գոնե, այն 4 օրերի ընթացում, երբ տեղի է ունենում այս տոնավաճառը:
    Դիտվել է 304 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431>>հաջորդ